كانوا عاوزينك تقليدي زيهم.. "الخروج عن النص" حكاية كتاب يقرأه محمد صلاح (صور)

تصدر النجم محمد صلاح لاعب المنتخب الوطني وليفربول الإنجليزي، محرك البحث جوجل ومواقع التواصل الاجتماعي، وذلك بعد نشره أستوري عبر حسابه الشخصي على موقع الصور الشهير "إنستجرام"، تظهر قراءته لكتاب "الخروج عن النص" للدكتور محمد طه.
محمد صلاح وكتاب الخروج عن النص
رواد مواقع التواصل الاجتماعي تحدثوا حول محتوى الكتاب الذي ظهر في الأستوري الخاص ب"مو"، حيث تضمنت الصفحة هذه الكلمات: "كانوا عاوزينك تبقى تقليدي.. عادي.. زيهم.. لا تسأل... ولا تفكر.. ولا تحس... كانوا عاوزينك ما تخاطرش.. وتستسلم.. لكل ما هو زائف وهش وفارغ... كانوا بيغروك بنجاح مألوف.. وسكة معروفة.. وحياة اعتيادية.. والتمن كان تشويهك وتخليك عن فطرتك وانسلاخك من جلدك.. فتخرج منك نفس مزيفة متكيفة مع النص المكتوب... متوائمة مع الخطة المعدة مسبقا.. لا تسلك إلا الطريق المرسوم والمرتب والمفصل على مقاسها".
وتتابع: "لا يرد القضاء إلا الدعاء. تعرف إن عندك القدرة على تغيير الأحداث ومجريات الأمور.. تعرف إنك ممكن تغير القدر.. وترد القضاء... تصوّر إنك إنت اللي بتحدد موقف ربنا منك... مش الفيلم هو اللي بيقول كده.. ولا أنا اللي بأدعية.. ده ربنا".

كتاب الخروج عن النص وعلم النفس
كتاب "الخروج عن النص" ل محمد طه، وهو طبيب نفسي وأستاذ جامعى، يوضح من خلاله أن حياتنا ممتلئة بالنصوص المكررة والسيناريوهات المحفوظة، التى تستوجب التفكير وبالتالي الخروج عليها.
صاغ محمد طه كتابه باللهجة العامية، لذا نجده يقول "ساعات كتير بنحاول نخرج عن النص بطرق مختلفة، وأساليب متعددة، بس دايما بيكون فيه حاجة ناقصة، مهم أننا نعرفها ونمارسها الأول، الحاجة دى اسمها الوعي النفسي".
ويتابع: "إحنا محتاجين نعرف أكثر عن أنفسنا، عن مشاعرنا، عن طرق تفكيرنا، عن دوافع تصرفاتنا، محتاجين نعرف عن علاقاتنا بمختلف أنواعها وأنماطها، قد إيه منها مشوه ومؤذى، وقد إيه منها صحيح ومفيد، محتاجين نعرف عن أفعالنا وردود أفعالنا اللحظية واليومية مع الآخرين أصلها إيه وجاية منين ورايحة فين؟".
ويقول الكتاب أيضا: "مهم جدًا فى رحلة أى حد فينا إنه يقف شويه قدام المراية، المراية النفسية، اللى من خلالها يقدر يشوف نفسه، ويعرفها، ويتعلم منها، علشان يخرج عن النصوص القديمة، ويبدأ يقبل نفسه ويحبها، ويغيرها للأحسن، وهى رحلة تستحق التعب، والصبر، وبعض الألم".
أجواء كتاب الخروج عن النص
ومن أجواء الكتاب: "فيه ميراث بيتم توزيعه وقت الولادة.. بمجرد ما حضرتك تتولد.. بتبدأ فى استلام تركة ثقيلة وممتدة من كل أجيال أسرتك، دول يسلِّموك مخاوفهم.. ودول يسلموك نقط ضعفهم.. ودول يسلِّموك نصوص حياتية مُعدة مسبقًا. إحنا محتاجين نقف وقفة حاسمة وجادة.. نراجع فيها كل ما تسلمناه.. محتاجين نخرج عن النص.. ونبدأ في الكتابة من جديد.. بأقلامنا نحن".
وجاء فى مقدمة الكتاب: "تم نشر كتاب الخروج عن النص سنة 2015.. وبعد ست سنوات من الوعى.. تحول كتاب الخروج عن النص الأصلى إلى الباب الأول فى هذا الكتاب.. والذى يحمل الباب الثاني منه اسم العودة إلى الحياة.. والمكون من اثنا عشر فصلًا جديدًا".

تفاصيل كتاب الخروج عن النص
في الباب الأول من "الخروج عن النص" يتناول كما جاء في المقدمة: "هنعرف يعنى إيه حدود نفسية.. وإيه هي نفسك الحقيقية ونفسك المزيفة.. وليه بنكرر أحيانا نفس الغلطة.. هنتعلم عن المواقف غير المنتهية.. والمشاعر اللي بنحسها.. بس هي في الحقيقة مش مشاعرنا.. هنكتشف إزاى ممكن نكون عايشين نصف حياة... وإيه الأدوار اللى بنلعبها في سيناريوهات حياتنا.. وإيه هو أقوى سلاح في تاريخ البشرية".
وفى الباب الثانى "العودة إلى الحياة" كتب كالتالي: "هنتكلم عن الصوت الداخلى اللى بيطلع من جوانا، ويرسل لينا رسائل صعبة، تفسد علينا طعم الحياة.. هنستعرض بالأمثلة بعض القرارات اللى بناخدها وإحنا صغيرين، واللى بتتغير معاها حياتنا للأبد.. هانتكلم عن الانتحار.. وإيه معنى إن حد يقرر ينهي حياته.. هانشوف الخوف من الهجر والوحدة ممكن يعمل إيه في أصحابه.. هانفهم اختياراتنا بتقول عننا إيه.. وهانعرف إزاى ما نخليش احتياجاتنا.. تبهدلنا.. ياللا بينا نخرج عن النص.. في اتجاه النور.. في اتجاه الحياة".

تعرف على رسالة محمد صلاح للرئيس السيسي
اتحاد الكرة يكشف عن رسالة السيسي ل محمد صلاح ولاعبي منتخب مصر
نقدم لكم من خلال موقع (فيتو) ، تغطية ورصد مستمر علي مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.