جورجينا رزق تكشف قصة زواجها بوليد توفيق، والفنان: ما كنتش عايز أتجوز

وليد توفيق وجورجينا رزق، قالت جورجينا رزق زوجة الفنانة وليد توفيق وملكة جمال الكون عام 1971:"انا ماشية بالحياة زي ما عايز ربنا بدون تخطيط، انا كنت بعمل موديل في بيروت وبعدين طلعت علي ميامي والحالة كانت طبيعية ومكنش في تفكيري أبقى ملكة جمال الكون، وبعدين لقيت نفسي اتدرب وأمارس حياة مختلفة وأفوز باللقب".

ضجة اعلامية حول جورجينا رزق
وأضافت خلال لقائها ببرنامج "معكم" الذي تقدمه الإعلامية منى الشاذلي بقناة "أون":" رجعت لبنان بعد فوزي بلقب ملكة جمال الكون، متخضتش من الضجة الإعلامية اللي اتعملت لإني في أمريكا كانت الضجة حصلت".

بداية التعارف بوليد توفيق
وتابع:"اتعرفت علي وليد توفيق في دمشق لما اصحابي عزموني علي حفلة لوليد توفيق قلت لهم مين ده انا مبسمعش الا أم كلثوم، وبعدين لقيته في وشي، بس انا مكنتش رايحة علشانه كنت رايحه علشان اتفرج علي الرقاصة، بس لقيته رجل وسيم واعجبت به".

سر رفض وليد توفيق الزواج
من جانبه قال الفنان وليد توفيق:"مكنتش عايز اتجوز لإن أي واحدة هتتعذب معايا، مع المعجبات والحفلات والخروجات".

صور جورجينا رزق
ولفت:"والدي كان حاطط صورة جورجينا رزق في البيت ومكنش فيه بيت مكنش مش معلق صورها، ازاي انا متعلقش بيها ومحجبهاش".
عمل فني بين وليد توفيق وجورجنيا رزق
وتابع:" لما اتعرض على اشارك جورجيا رزق عمل فني رحبت جدا ولما روحت لها البيت كنت مفكر إني هلاقيها قاعدة في قصر ولكن لقيتها إنسانة متواضعة وقاعدة في بيت متواضع وعرضت عليها الفيلم، قالت لي أنا بعدت عن الإعلام والفن وعايشة حياتي مع ابني علي ورافضة كل المغريات اللي بتتقدملي علشان أشارك في السينما، فأعجبت جدا وحبيتها وفكرت في الزواج منها".

وليد توفيق: سبت المدرسة علشان أشتغل وأساعد أبويا وبنوك لبنان سرقت فلوسي
منى الشاذلي تستضيف وليد توفيق وزوجته جورجينا
لقاء جورجينا رزق
وأضاف:"نزلت من بيت جورجينا رزق قلت لهم شوفوا بطلة تانية للفيلم، وبعدين كنت بغني في شيراتون الشام بدمشق وفوجئت انها موجودة في الحفل بتاعي وكنت طاير من الفرح قلت لهم الملكة بنفسها جاية وبعدين اتقابلنا واتعرفنا علي بعض أكتر واتجوزنا".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية