اللي ملوش كبير بيشتريله كبير، رسالة مثيرة من تامر حسني لجمهوره

حرص الفنان تامر حسني نصيحة، على توجيه رسالة لمتابعيه، مشيرًا إلى أن هناك مثل أعلى في حياة كل شخص منا، والذى يأخذ منها في حياته كل النصائح.

في هذا السياق، كتب تامر حسني منشورًا، عبر حسابه الشخصي بموقع التواصل الاجتماعي فيس بوك، قال فيه: اللي ملوش كبير بيشتري له كبير، مقولة جميلة بس أنا من خلال رحلتي وقد إيه في قوة جبارة الإنسان بيستمدها من اللي بيحبهم بكل جوارحه.. طبعًا كلامي عن النجاح العملي في العمل اللي تحبه.

وأضاف تامر قائلًا: حبيت أقول المقولة بطريقة تانية، وهي اللي ملوش مثل أعلى، يشتري له مثل أعلى، والله والله والله لما بتحب حد ناجح، وتتأثر برحلته أو طريقته ونجاحه، فعلًا بتقدر تبقى زيه وممكن أحسن كمان.. ممكن طبعًا تنجح من غير ما يكون عندك مثل أعلى، بس تركيزك بيبقى أقوى بكتير، مع مثال قدامك حي بيخليك تشوف رحلته قدامك، زي دليل ينورك على خطوات أنت متعرفش نتايجها، بس بتعرفها من خلاله بتشوف تفكيره في التطوير وتفكيره إزاي يتخطى الأزمات وتفكيره في المواكبة لكل مرحلة في حياته إزاي كسر سقف نجاحه، معلش بحب أوصلكم أي حاجة كويسة بتعلمها في حياتي.
واختتم رسالته: اللي ملوش مثل أعلى يشتريله مثل أعلى، يعني يدور ويركز مع حد يحبه ويتعلم منه، ومش شرط في مجاله ممكن تحب حد في مجال تاني، وتحاول تطبق مراحله في مجالك ده، كان كلام من واقع تجربتي، ورأيي الشخصي.. ربنا يوفقكم كلكم وتوصلوا لأبعد من أحلامكم، وتبقوا أنتوا كمان مثل أعلى لناس بعدكم.
على الجانب الآخر، يستعد الفنان تامر حسني خلال الفترة المقبلة لطرح أغنية جديدة على منصات الموسيقى وموقع الفيديوهات "يوتيوب".

تفاصيل أغنية تامر حسني الجديدة
أغنية تامر حسني الجديدة المفترض طرحها قريبا من كلمات محمد النجار ومن ألحان الملحن محمد يحيي.
وطرح الفنان تامر حسني في وقت سابق أغنية "حوا" مع الفنانة السعودية أسيل عمران وحققت نجاحا كبيرا منذ طرحها على موقع يوتيوب.
الأغنية كلمات وألحان تامر حسني، وتوزيع وميكس وماستر على فتح الله.
كلمات أغنية حوا
وتقول كلمات الأغنية: "اشتريت كتاب اسمه كيف تفهم حوا قولت هعرف منه إيه في دماغها جوا.. حوا في كل الجنسيات بجد تركيبة واحدة لو هنسمي في مسميات أحن حنينة جاحده.. حافظين مش فاهمين نفس الكلام ويتردد.. وإحنا عايشين مساكين بنجيب في هدايا ونسدد آه ونسدد.. وبعد ما كان نفسي في واحدة تفهمني من غير ما أتكلم ما أتكلم بقيت أدعي ألاقي واحده.. تفهمني أصلًا وأنا بتكلم.. بتكلم

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.