مش بنصرف عليهم من جيوبنا.. توجيه عاجل من السيسي لوزير الشباب بعد تكرار هروب الرياضيين

علّق الرئيس عبد الفتاح السيسي على ظاهرة "هروب" بعض أبطال الرياضات الفردية خلال الفترة الماضية، مؤكدًا حرص الدولة المصرية على رعاية كافة أبنائها.
جاء ذلك خلال جلسة بناء الإنسان ضمن فاعليات يوم الاحتفال بتفوق الجامعات المصرية والمقام في جامعة قناة السويس، تعقيبًا على كلمة الدكتور أشرف صبحي وزير الشباب والرياضة.
وقال السيسي: "الجهد المبذول لا يتم إظهاره للجمهور بالشكل المطلوب، لأن الجهد ده بيأكد أن كل القطاعات الموجودة في الدولة هي محل اهتمام شديد".
وتابع: "لما يتقال فيه شاب أو اتنين ساب مصر وراح بره، لو أننا كحكومة متكلمتش بجلاء ووضوح وبشكل مباشر ده هيقدح كتير في الجهد المبذول من وزارة الشباب والرياضة".
وأضاف "السيسي" في حديثه مع وزير الشباب والرياضة:" أعتقد إنك محتاج تقول للناس إحنا بنرعى أبطالنا إزاي.. وأنا عارف.. لكن انا عايز الناس تعرف لأن الناس بتسمع إن ابننا سابنا ومشى لأننا مش بنرعاه وأنا أتمنى إن لكل ولادنا الأفضل في كل شيء".
وأوضح "السيسي": "كل الجوائز التي تقدم لكل أبطالنا اللى بيحققوا بطولات مش متواضعة قوى، وعلشان الموضوع ده حصل أكثر من مرة أتصور أن الناس تعرف اننا مهتمين بأولادنا وحرصين عليهم ولو حصل إن حد من عندنا محسش بالتقدير أو مكفوش فلازم نقول إحنا بقى".
ومن جانبه استعرض الدكتور أشرف صبحي وزير الشباب والرياضة المجهوات والجوائز التي تقدمها الدولة للأبطال الرياضيين في المسابقات والألعاب المختلفة.
وأكمل "السيسي" في حديثة ل وزير الشباب والرياضة:"أنا مش بقول علشان تدافع بقولك علشان تقول أنا هقولكم على حجم الإنفاق في البطولات المختلفة، بمعنى الجوائز اللى اللى بنوزعها على أبطالنا سواء في مراحل التأهيل قبل البطولات أو بعدها"
وشدد "السيسي":" ميصحش إن يتقال إن حد من عندنا مشي علشان احنا مراعنهوش أو سبناه أو وقع مننا والعملية مش ماشية كده فيه أرقام وميزانيات موضوعة ومحدش بينفق من جيبنا إحنا بننفق من جيب مصر ".
ووجه "السيسي" سؤال إلى وزير الشباب والرياضة: عايز دعم ولا مش عايز.. وأجاب وزير الشباب والرياضة "عايز دعم".. ومن جانبه عقب "السيسي":" فكر وشوف لو كده نضاعف قيمة الجوائز التي يتم منحها للأبطال الرياضيين في الألعاب المختلفة".

نقدم لكم من خلال موقع (فيتو) ، تغطية ورصد مستمر علي مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.