فريدة سيف النصر توجه رسالة للشباب بسبب مشهد الفراخ مع الزعيم، وتكشف سر ارتدائها الحجاب

فريدة سيف النصر، قالت الفنانة فريدة سيف النصر:"وأنا ببص على شريط العمر بقول الحمد لله كان طريق مش سهل وكله مطبات واتشال من أدوار وحاجات، إن الله مع المنكسرين جابر".

جمال فريدة سيف النصر
وتابعت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون":"مشواري وقعت وقمت فيه، اتظلمت كتير وربنا نصرني، إني كنت حلوة أوي في فترة الثمانينات مش مشكلتي دي بتاعت ربنا".

حقيقة أفلام المقاولات لفريدة سيف النصر
وأضافت:"أنا معملتش أفلام مقاولات ودي كانت محاولة علشان يهدوا اللي أنا عملاه ويقللوا المرحلة الناجحة بتاعتي، ولكن ده تاريخ مصر السينمائي".

أفضل أدوار فريدة سيف النصر
ولفتت فريدة سيف النصر:"أحلى دور جوا قلبي عامل علامة كان فيلم بدون ذكر أسماء، الأستاذ وحيد حامد كان بيتحارب علشان معملش الشغل ده وجاء تامر محسن أصر على".

مؤامرات النجمات ضد فريدة سيف النصر
وأشارت:"اتشلت من أفلام وأدوار مهمة بسبب نجمات كبار بحجة إني جميلة وهغطي عليهم".
وأكدت:"اتحجبت وابتعدت عن التمثيل حوالي 9 أشهر، وقتها اتمارس على ضغوط كبيرة من بعض النجمات، علشان كنت حلوة وعندي قبول".

بداية دخول التمثيل
ولفتت:"أنا كنت بحب الرقص جدا ودايما يجيبوني من مسرح المدرسة وأنا برقص وبغني وأمثل، ناظرة المدرسة قالت لأمي وقتها لمي بنتك بدل ما تلاقيها رقاصة، ومن هنا بدأت أمثل وفريد شوقي ونور الشريف بصوا لي وقالوا لي عنيكي دي بتقول إنك هتبقي ممثلة جامدة، ولما عملت فيلم الضحايا أول عمل ليا، أخدت كمية أفلام كبيرة وطلعت مع سمير غانم وجورج سيدهم في عروضهم المسرحية".

فريدة سيف النصر المرأة اللعوب
وأشارت:"أنا اللي حطيت نفسي في حتة البنت اللعوب في الأفلام واغرتني هند رستم لما قالت أنا بشوف إن فريدة سيف النصر ممثلة إغراء، علشان دخلت في المنطقة دي".

https://twitter.com/i/status/1685407679072567296
خوف فريدة سيف النصر من الموت وارتداء الحجاب
وأشارت:"أنا بخاف من الموت جدا وجبانة، وفاة أخويا الصغير اللى كان شاب طول وقمر وكان أصغر واحد فينا هزني جامد لإنه كان عمره 21 سنة واتخطف بدري ومقدرتش أشوفه وهو بيتدفن في قبره، بعدها اتحجبت، كنت بقعد أنا والفنانة نورة نقعد نقرأ قرآن، ومشيت في طريق الحجاب لمدة 9 شهور، وقررت خلع الحجاب لما دخلت مع محجبات لما حسيت إني لازم أنزل أشتغل وكنت وقتها اتطلقت ومعنديش حد يصرف عليا ومكنش ينفع انزل اشتغل بالحجاب ولا بالباروكة علشان الناس شايفني بشكل معين".
https://twitter.com/i/status/1685402798056513536
مشهد الفرخ مع عادل إمام
وقالت فريدة سيف النصر:"الشباب لسه فاكريني بمشهد الفراخ مع عادل إمام، وانا بقولهم يا شباب أنا عديت الستين خلاص هو أنا هتحنط وأفضل زي ما أنا".
عمليات التجميل
وأكدت:"أنا ضد عمليات التجميل وعمري ما عملتها ولا هعملها، هاتولي حد عمل عمليات تجميل وبقى حلو.. والبوتكس نوع من سم التعابين".
https://twitter.com/i/status/1685402798056513536
بكاء فريدة سيف النصر
وبكت فريدة سيف النصر علي الهواء، بعد رؤيتها لمشهد من دروها في مسلسل"عملة نادرة"، قائلا:"حسيت إن الشخصية أمي مرت بيه وناس كتير بحبهم، فكنت مشحونة".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.