حسن شاكوش يكشف سر صمته الفترة الماضية عن اتهامات طليقته (فيديو)

خرج المطرب الشعبي، حسن شاكوش، عن صمته، للرد على الاتهامات الخطيرة التي اتهمته بها طليقته "ريم طارق"، في أحد اللقاءات التلفزيونية.
ونشر "شاكوش"، فيديو عبر حسابه على موقع التواصل الاجتماعي "فيس بوك" يكشف فيه تفاصيل أزمته مع طليقته.
وعلق "شاكوش" على الفيديو بقوله: "مساء الخير يا جماعة، يمكن من ساعة الحوار ما خلص ومن آخر فترة أنا كتبت فيها وقولت إني هسكت ومش هحكي أي تفاصيل عن إنسانة كانت في يوم من الأيام عايشة معايا ومراتي احترامًا للي كان بنا".
وتابع بقوله: "عارفين بعد كل فترة بيحصل فيها كلام كتير أو ضغط من كل اللي حواليا ببقي عايز أطلع وأحكي تفاصيل كتيرة أدافع بيها عن نفسي بس برجع وأقول هرد بكلام والكلام هيجيب كلام ومش هنوصل لحلول، بس كل اللي أقدر أقولوا إن مفيش عين تصدق غير اللي تشوفة ربنا يهدي الجميع ويعدينا منها على خير، وأسف إن طولت عليكم".

وكانت تحدثت ريم طارق طليقة مطرب المهرجانات حسن شاكوش، عن أسباب طلاقها والأزمات التي تعرضت لها بسبب المشاكل بينهما وتعرضها للعديد من المضايقات بسببه.

وقالت خلال لقائها ببرنامج "90 دقيقة"، تقديم الإعلامية بسمة وهبي، المذاع على فضائية "المحور": " الطلاق حصل بالفعل، أنا اتحملت اللي ما حدش يتحمله من رابع يوم جواز وكل يوم بشوف قصة وموضوع، كفاية إني كنت مهددة إني أقعد في البيت أو إني أخرج من البيت ما أعرفش أرجع"

نوبة بكاء على الهواء
ودخلت طليقة شاكوش، في نوبة بكاء على الهواء، قائلة: "الصورة حاجة والحقيقة حاجة تانية، والخلافات الزوجية ممكن تحدث بين أي اتنين متجوزين، وحسن طيب وابن حلال وجدع وشهم وهو دا اللي أنا شُفته فيه وعشان كده وافقت، بس الشخص اللي في البيت حاجة وخارجه حاجة تانية، وشُفت أبشع حاجات ممكن تتخيليها شُفت كل حاجة وحشة وحاجات أنا أو غيري مش هنقدر نتحملها".

وأكدت: "الموضوع مش موضوع خيانة الموضوع أكبر من كده بكتير إنسانيًّا وأخلاقيًّا ودينيًّا، ومش هقول، وأنا تعبانة ونفسي أقول لكل الناس بس مش هقدر أشيل الذنب دا".
وتساءلت: "هل الشهامة إني أتعاير بمرض عندي؟ اتهمني إني كنت متجوزة وهو ما يعرفش؟".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.