عايدة رياض عن مشاركتها في الأدوار الجريئة: محرم فؤاد السبب (فيديو)

عايدة رياض، كشفت الفنانة عايدة رياض، عن رأيها في الأدوار الجريئة والمشاهد الساخنة، قائلة: "مريت بظروف ظالمة بعد زواجي من محرم فؤاد وابتعادي عن التمثيل وشعوري بالظلم كان سببا في العودة للفن والمشاركة في نوعية تلك الأدوار".

سر مشاركة عايدة رياض في الأدوار الجريئة
وتابعت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "كنت مجروحة جدا بعد ابتعادي عن التمثيل لمدة تصل ل8 سنوات بسبب محرم فؤاد ورجعت بالزن، وشعوري بالظلم دفعني للمشاركة في أي أدوار تعرض علي".
معاناة عايدة رياض مع محرم فؤاد
وأضافت: "كنت وصلت لمرحلة إني اتخنقت ورجعت بالعافية للتمثيل بعد 8 سنوات من زواجي لمحرم فؤاد، وفي الآخر اشتركت في الأدوار الجريئة".

في نفس اللقاء، قالت الفنانة عايدة رياض:"لما محرم فؤاد طلب يتجوزني مكنش فيه ما بيننا قصة حب ولا علاقة عاطفية، قبلها بشهرين كنت مخطوبة من شخص بحبه بس الموضوع مكملش فقلت غيظا فيه هتخطب لمحرم واعمل خطوبة ويشوف بقى انا هتجوز مين".

قصة حب محرم فؤاد لعايدة رياض

وأضافت: "محرم فؤاد لما خطبني كان أكبر مني ب20 سنة وهو كان متجوز قبل كده وعنده ابن اسمه طارق، وبعد لما اتجوزته بشهرين كنت بحبه جدا وهو كمان كان بيحبني أكتر".


مشكلة الإنجاب عند محرم فؤاد

وتابع: "اتجوزت محرم فؤاد لمدة 13 سنة، واللي خلى الجواز ميستمرش أولا إني مخلفتش منه ومكنتش رافضة الإنجاب خالص وهو مكنش بيقول ظروفه هوخلف بالعافية وكنت اروح للدكتور اكشف ولما اجي اقوله روح للدكتور يرفض ولو كنت أنجبت منه كان ممكن زواجنا يستمر وفيه حاجات مقدرش اقولها عن علاقتنا الزوجية ولكنه رجل مصري صميم وطيب".

صدمة عايدة رياض من محرم فؤاد

ولفتت:"مع العشرة لقيت شوية حاجات انصدمت فيها بعد جوازي من محرم فؤاد وكنت بحس بعدم الأمان معاه وكمان فيه اختلاف للديانة، وحسيت ان المستقبل مش مريح والبيت اللى كنا قاعدين فيه ايجار، ومكنش فيه مكان ليا وانا كنت صغيرة".

عايدة رياض تكشف أسرار زواجها من محرم فؤاد في برنامج واحد من الناس
عايدة رياض: انتظروا مفاجآت في الجزء الثالث من ليه لأ
فيلم الغول والابتعاد عن التمثيل

وأشار:"انا لما تجوزت محرم فؤاد قعدت في البيت ومنزلتش خالص وجالي فيلم الغول بعتهولي الزعيم عادل امام لحد البيت مشفتهوش ولا عرفت اشتغله، واكتشفت محرم في مواقف معينة حاجات صدمتني وقلت ليه قعدت في البيت وابطل تمثيل".

غيرة محرم فؤاد علي عايدة رياض

ولفتت:"محرم فؤاد قعدني في البيت بسبب فارق السن ولإنه رجل غيور أوي وخايف عليا، وانا اتصدمت بأكتر من حاجة شخصية معاه".

سبب ضرب محرم فؤاد لعايدة رياض

وأشار:"ضربني علقة سخنة في لندن خلال فترة الخطوبة بعد لما سمع مكالماتي لطارق اللي كنت بحبه وسمعني وانا بقوله مش طايقة اكمل مع محرم وياريت نرجع لبعض وانا بحبك، ولكن بعد لما ضربني اتجوزنا".
نقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبارالرياضة ، أخبارمصر، أخباراقتصاد ، أخبارالمحافظات ، أخبارالسياسة، أخبارالحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.