وفاء مكي لفيتو: أنا انتهيت ومفيش في عمري 23 سنة تاني

وفاء مكي ، تحدثت الفنانة وفاء مكي من جديد عن أزمتها مع ميار الببلاوي، قائلة: "ميار الببلاوي طلعت بكل إرادتها وقالت إن معها دليل براءتي من 23 من سنة وكتمت شهادة الحق".
واستنكرت "مكي"، تصريحات ميار الببلاوي، مشيرة إلى أن الهدف منها التريند، قائلة: ماينفعش تطلع تقول بكل إرادتها قدام الرأي العام أن معها دليل براءتي من 23 سنة ومش عارفة تنام وضميرها مش مريحها وتاني يوم ترجع في كلامها دي بتلعب بالسوشيال ميديا وعايزة تطلع تريند".
وأكملت وفاء مكي في تصريح خاص لفيتو: "أنا انتهيت ومفيش في عمري 23 سنة تاني ومش هيحصلي قد ما حصلي ومش هتحاكم تاني، وممكن القضية تتفتح تاني وهجيب معايا الشهود وميار الببلاوي كتمت شهادة الحق بقالها 23 سنة ومفيش علاقة صداقة أصلا بتربطني بيها وهي ذات نفسها قالت وفاء مكي اختفت".

ميار الببلاوي تتراجع عن تصريحاتها وتكذب وفاء مكي

وتراجعت الفنانة والإعلامية ميار الببلاوي عن تصريحاتها الأخيرة، التي أكدت بها براءة الفنانة وفاء مكي في قضية تعذيب الخادمتين الصغيرتين، حيث أكدت ميار أن وفاء مكي (كاذبة) وأنها من عذبت الخادمتين، متعجبة من دفاع الأخيرة عن نفسها حول براءتها.
وكتبت ميار الببلاوي منشورًا عبر حسابها الشخصي بموقع التواصل الاجتماعي فيس بوك، جاء به: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أو علشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.
وتابعت ميار الببلاوي: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد ماقريت التحقيقات والتقارير قد إيه أنا كنت هبلة.
واختتمت ميار الببلاوي: في كل مكان تكذبي وأنتِ عارفة إنك مش مظلومة، وأنا الحمد لله تأكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتية كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.