دينا: ختان الإناث بيخلي الست معيوبة (فيديو)

قالت الفنانة دينا: "ختان الإناث بيخلى الست معيوبة، وله نتائج سلبية على الست لما بتتجوز، وحياتها بتكون فيها نقص كبير وهي الوحيدة اللى بتبقى حاسة بيه، وده الدور الذي جسدته في دوري بمسلسل حضرة العمدة".

مشكلة ختان الإناث
وأضافت خلال مداخلة هاتفية ببرنامج "الحياة اليوم" الذي يقدمه الإعلامي محمد مصطفى شردي بقناة "الحياة": "الست اللى بيبقى معمولها ختان بيبقى عندها تضارب مشاعر فظيع".
وتابعت: "الست اللى معمولها ختان هي مش وحشة بالعكس هي جميلة بس عندها مشكلة مش بإيدها تعالجها وهتكمل معاها طول العمر ولازم زوجها يساعدها".

دور دينا في مسلسل حضرة العمدة
ولفتت: "أنا مبسوطة من ردود فعل الناس علي دوري في مسلسل حضرة العمدة، وقالولي فعلا طلعتي فلاحة وشكلك في الدور مختلف، وكل أصحابي قالوا إني أثرت فيهم".
حضرة العمدة الحلقة الأخيرة، القبض على جلال بتهمة المتاجرة في الآثار
دينا: تزوجت 9 مرات وأنا اللي معلمة الراقصات الأجنبيات وجبتهم لمصر
زيجات دينا
في تصريحات سابقة، كشفت الفنانة دينا عن رأيها في العروض التي تقدمها الراقصات الأجنبيات في مصر، قائلة: "أنا اللي معلمة الراقصات الأجنبيات وجبتهم مصر، مش ممكن يهزوا أرضيتي".

وأضافت دينا خلال لقائها ببرنامج "كلمة أخيرة"، المذاع على فضائية "أون إى": "أوكسانا، جبتها من روسيا، بعد ما كسبتها المركز الأول في مهرجان هناك، ودخلتها برنامج الراقصة".
وردا على سؤال عن رأيها في أداء الراقصات الأجنبيات، قالت: "هما مش فاهمين المجتمع، وفي التمرين بيعملوا تكنيك أقوى من العروض، لكن لقوا الناس بتحب حركات معينة مش رقص شرقي، وابتدوا يعملوا الحركات دي لأنها أبسط بالنسبة لهم، وبيكسبوا فلوس من ولا حاجة".

الراقصات الأجنبيات
وأوضحت دينا أنها لا تفضل راقصة أجنبية معينة بقولها: "كلهم زي بعض بالنسبة لي، مش بشوف حد مميز فيهم".

وتابعت: "الراقصات الأجنبيات كانوا أحسن قبل ما ينزلوا الشغل، لكن جريوا ورا الزبون عايز إيه".

دينا تنافس تحية كاريوكا فى الزواج
تحدثت دينا عن تعدد زيجاتها قائلة: "إتجوزت 9 مرات، وده قليل مش كتير، تحية كاريوكا إتجوزت 13 مرة وأنا بنافسها".

وأضافت: "أقصر جوازة استمرت سنة، وأطول جوازة استمرت 5 سنين وشوية، وجوازة سامح الباجوري سنتين، لكن كان عمره الله يرحمه".

وأوضحت دينا أنها تعرضت للخيانة كثيرا، مضيفة: "زمان الشغل كان من 9 مساء ل 6 صباحا كل يوم، أكيد الراجل اللي يستحمل كده ياخد جايزة نوبل".

ونقدم لكم من خلال موقع (فيتو)، تغطية ورصدا مستمرا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.