محمد عيد: أحمد آدم شتمنى بألفاظ وحشة وبيغير من زمايله بشكل غريب (فيديو)

انتقد الفنان محمد عيد، الفنان أحمد اَدم، قائلا: "علشان عملت الحلقة بتاعت الشنطة في اديني عقلك، فقال لي إنت أخدتها مني وصورتها، فقلت له لأ انا اللى اقترحت عليك الفكرة وعملتها قبلك، وقطع علاقته بيا علشان الموقف ده".

إساءة وتشيمة أحمد اَدم ل محمد عيد
وأضاف خلال تصريحات تليفزيونية بقناة "هي": "كلمت أحمد اَدم علشان نتجاوز الموقف اللى قاطعني بسببه ونرجع نشتغل مع بعض، فلقيته بيشتمني بألفاظ وحشة، وقال لي: انت حرقتلي الفيلم وانت مبتفهمش".

شكوى محمد عيد ل أحمد بدير
ولفت: "كلمت الفنان أحمد بدير واشتكت له من أحمد اَدم وشتيمته ليا، فقال لي ولا تحطه في دماغك علشان انت نجحت".

غيرة أحمد اَدم من زملائه الفنانين
وأكد: "أحمد اَدم بيغير من أي حد كوميديان ولو فيه إفِّيه ممكن أقول له يقول لي لأ، هو شخص غريب وبيغير من زمايله بشكل مش مبرر".

أحمد آدم يكشف سر رفضه العمل مع فيفي عبده: كنت واخد فكرة غلط عنها (فيديو)
تامر حسني يرد على هجوم أحمد آدم: التريند جنن عقول الناس

في وقت سابق، كشف الفنان أحمد اَدم، سر رفضه العمل مع الفنانة فيفي عبده في مسرحية "حزمني يا" مع المنتج عصام إمام.
كواليس مسرحية "حزمني يا"
وقال أحمد آدم خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "المنتج عصام إمام قال لي عايز أعمل لك رواية حزمني يا، أنت ويسرا وأشرف عبد الباقي، أشرف وقتها اعتذر فجبنا مكانه محمد هنيدي، حصل إن يسرا قالت لي مش هتشتغل فالمنتج عصام إمام بلغني بالاستعانة ب فيفي عبده مكان يسرا".

سر رفض أحمد آدم لفيفي عبده
وتابع: "لما اتبلغت بمشاركة فيفي عبده مكان يسرا، انفعلت وقلت مش هشتغل مع فيفي عبده لأني كان فكري وقتها أنها عندها حفلات وأفراح ومش هيبقى فيه التزام بالمسرح ولو جالها فرح ولا حفلة هنقفل المسرح ودا كان سبب اعتذاري وفسخنا العقد، وبعد كدا لما جت مسرحية "حزمني يا" لقيت فيفي عبده ملتزمة في المسرحية وما قفلتش ليلة عرض حسيت إني غلطت في حقها واتسرعت وقلت دي ست ملتزمة في المسرح أكتر من ممثلات المسرح والمسرحية حققت نجاح كبير جدًّا أيامها".

اعتذار أحمد آدم لفيفي عبده
ولفت: "شُفت فيفي عبده بعد كدا واعتذرت لها وكنت هشتغل معاها بعد كده مع المخرج الراحل جلال الشرقاوي بس ما حصلش نصيب".
نقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.