لوسي: ابني فخور بأمه الرقاصة وبيقولي ربنا معاكي هزي كويس (فيديو)

قالت الفنانة والراقصة لوسي:"تربية وثقافة ابني فتحي خليته عارف أن الرقص فن كويس ومحترم، وقالي ربنا معاكي وهزي كويس من باب أن العمل بجد وتركيز هيكون سبب في النجاح".

وأضافت خلال الجزء الثاني من لقائها ببرنامج "العرافة" المذاع علي قناة "النهار":"فتحي ابني لما قاللي هزي كويس يعني اشتغلي بذمة وهو زيي بيحب الهزار، انا بهز فعلا، ودايما يقولي ارقصى كويس ومثلي كويس".

ثقافة وتربية ابن الراقصة لوسي
ولفتت:"ثقافة ابني فتحي وتربيته مختلفة وهو بيلعب مزيكا وطالما فكرت اجيب طفل يا ربيه كويس وبما يرضى ربنا يا متجبيش أطفال ونرميها في الشارع فأنا جيبت طفل وقعدنا أنا وجوزي بنربي راجل النهارده معاه بكالوريوس هندسة ميكانيكا وبيشتغل في أمريكا وبيحضر للماجستير، فيقول هزي كويس اوا انكشي شعرك علشان بتبقى حلوة عادي".

نصيحة نجل لوسي لها
وتابعت لوسي:"ابني لما كبر بيقدر شغلي ودايما يقولي ربنا معاكي، ولما قال لي هزي كويس كانت في حفلة للتليفزيون المصري في الساحل الشمالي وكانت مذاعة ".
ولفتت:"انا فخورة بإبني لما قاللى هزي كويس وهو فخور بأمه لوسي اللى بترقص، وانا فخورة بنفسي".


رقص لوسي في اعياد ميلاد وافراح اصدقائه
وأشارت:"انا بروح اعياد ميلاد اصحاب ابني وخطوبتهم وارقص وكل اصحابه صبيان وبنات انا صاحبهم وهما اللى بيحبوا يتعرفوا على وبيقولولي احنا فخورين ان ده ابنك تربية واخلاق وجدعنة وشهامة، مصري ابن مصري ابن مصرية جدعة ومش معنى اني خلفته في امريكا يبقى بعيد عن بلده هو بيحط علم مصر ويروح ينتحب رئيسه، وخلفته في أمريكا لإن امي ماتت وكان عندي توأم في بطني ماتوا وكنت بروح للدكتور ميعرفش انهم ميتين بقالهم اسبوعين وانا كنت باموت ومحتاجة ابقى أم وعملت عملية وشيلنا الأطفال ميتين وانا اللى اكتشفت اني مش طبيعيين واللثة بتاعتي بتخرج حاجات لزجة وحزنت عليهم ولما امي توفت كنت محتاجة ابقى ام واختي الكبيرة عايشة في امريكا فروحت اترمي في حجر اختي وخلفت هناك".

ربنا كاتبلي أكون رقاصة، تعليق ناري من لوسي في حالة موتها ببدلة الرقص (فيديو)
مسرحية الحفيد، أشرف زكي يعتذر للفنانة لوسي على الهواء (فيديو)
الرقص مرسوم على جدران المعابد الفرعونية
في الجزء الأول من نفس اللقاء، جددت الراقصة لوسي تصريحاتها السابقة، التى قالت فيها إنها لا تخاف من الموت وهى ترتدي بدلة الرقص، مؤكدة: " أنا مبعملش حاجة بجاحة، والرقص فن والرقص مرسوم على جدران المعابد الفرعونية".
وأضافت: " مهنة الرقص نصيبي، وربنا كاتب لي كده، أن أكون راقصة وأدخل معهد الباليه وأخرج منه، واشتغل فى الأفراح الشعبية لغاية لما أكبر شوية وكبرت ناس حواليه، وبعدين اشتغل كومبارس، ثم ممثلة ثم نجمة ثم بطلة وبعدين أكون مشهورة، أمام نار وبحر أروح لمين فيهم فروحت للبحر".


وأوضحت: " أحببت الفن واشتغلت فى الأفراح وكان عندي 11 سنة، والفنانة فيروز اشتغلت وهي طفلة، ولو كلنا قعدنا وسمعنا كلام الناس محدش هيشتغل، ومش ندمانة أنى بشتغل رقاصة لأني معملتش حاجة غلط، ولو الرقص غلط كنت رجعت لربنا وقولت له اغفر لى".
وأكدت: " ربنا أعطاني ثمن حلو، والناس بتحبني وبحب الرقص والتمثيل وبحب الحاجة الحلوة".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.