حسن شاكوش عن سجدة زوجته: متوقعتش تعمل كده ومبتسيبش فرض (فيديو)

علق حسن شاكوش مطرب المهرجانات، على الهجوم الذي تعرضت له زوجته ريم بعد سجدة الشكر في حفل الزفاف.

رد قوي من حسن شاكوش بعد الهجوم على زوجته
وقال حسن شاكوش خلال لقائه ببرنامج "العرافة" المذاع علي قناة "المحور":"هي مراتي سجدت ليا ولا سجدت لله، اللى عايز يسجد لله في أي حتة يسجد، وانا لو ماشي في الشارع قدام العالم لو عايز أسجد لله هاسجد".

سجدة شكر زوجة حسن شاكوش
وتابع:"أنا متوقعتش من ريم مراتي أنها تسجد وتعمل الكلام ده وأنا مكنتش أصلا موجود في القاعة، كنت لسه مجتش وفي دخولي لقيتها بتسجد علي الأرض، ومحدش عارف ايه اللى كان بينها وبين ربنا أو هي كانت بتدعي بتقول ايه أو هي كان فيه حاجة في حياتها كانت محتجاها جدا وربنا عوضها فبتسجد شكرا لله بعد ما أكرمها بالإنسان اللى كانت عايزاه وتتمناه من ربنا".

حسن شاكوش وزوجته ريم، فيتو
التزام زوجة حسن شاكوش
وأكمل:"مراتي سجدت في الأوضة وصلت وهي الحمد لله مش بتسيب فرض، وقسما بالله مكنتش أعرف أنها هتسجد في الفرح".

مشكلة فستان زوجة حسن شاكوش
ولفت حسن شاكوش:"الفستان بتاعها كان تقيل وكانوا بيفرشوه علشان التصوير، وكانت خايفة تنزل تسجد تقع او يحصل حاجة وفي نفس الوقت لما جت تقوم خلت حد يقومها، ولما قامت قالت لهم حد يقومني، واحساس جميل لما شوفتها بتسجد شكرا لله ومش عيب اللى عملته".

حسن شاكوش: فرحي تكلف 4.2 مليون جنيه ومش خسارة في العروسة (فيديو)
زوجة حسن شاكوش تكشف ل العرافة سر سجودها في حفل الزفاف

في نفس اللقاء، كشف مطرب المهرجانات حسن شاكوس، حقيقة ما أثير وتردد عن التكلفة الكبيرة لحفل زفافه، مؤكدًا:"فرحي اتكلف 4 مليون و200 ألف جنيه".

تكلفة فرح حسن شاكوش
وتابع خلال لقائه ببرنامج "العرافة" المذاع علي قناة "المحور":"مش خسارة في عروستي
أن الفرح يتكلف 4 مليون و200 ألف جنيه".

نجوم فرح حسن شاكوش
ولفت حسن شاكوش:"كل النجوم اللي كانوا في الفرح جاملوني ومنهم رامي صبري ومحمد نور ومحمود الليثي وحمو بيكا وعمر كمال، ورضا البحراوي".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.