سمية الخشاب: القطط تصدر موجات حلوة تمتص أي طاقات سلبية (فيديو)

قالت الفنانة سمية الخشاب: "أنا بحب نفسي وبدلعها وامتن لربنا واقعد اعمل ماسكات لشعري والعب مع القطة بتاعتي، ومؤخرًا بعشق القطط، بقول للناس هاتوا قطط ويبقى ضربتوا عصفورين بحجر تبنيتوا قطة من الشارع وتعملكوا طاقة حلوة في البيت لإنهم بيمتصوا الطاقة السلبية".

نصيحة سمية الخشاب للنساء
وتابعت خلال مداخلة هاتفية ببرنامج "الستات" الذي تقدمه الإعلامية سهير جودة بقناة "النهار": "لو الست زهقانة او تعبانة وحضنت قطة بتلاقي نفسها ضحكت لإنهم بيصدروا موجات حلوة تمتص أي طاقات سلبية ولو عيانة بتخفي".
سمية الخشاب تدعو لتبنى القطط
وأضافت سمية الخشاب:"بقول للناس تبنوا قطط وكلاب وانبسطوا، واللعب مع الحيوانات بيخلي المرأة اسعد واحدة في الدنيا وميقلوش عن الأطفال في طاقتهم الحلوة".

مزاج سمية الخشاب
وأكملت:"بقول لكل ست ايضا اخرجي ومتستنيش واحدة صاحبتك تخرج معاكي انزلي وغير جو في أي مول وانزلي اشتري حاجات دمها خفيف لو سعرها 10 جنيه واخترعي حاجات تبسطك واطبخي طبخة حلوة، وانا اليومين دول بحب اطبخ والنهاردة هاعمل كوسة محشية بالصوص الكريمي".

سمية الخشاب: أنا برج النحانيح أوي في الحب (فيديو)
سمية الخشاب: ساعات الحب بيبقى جنون وفيلم تيتانيك بيحرك مشاعري بجد (فيديو)
وفي نفس المداخلة قالت الفنانة سمية الخشاب: "فيلم تيتانك بيحرك مشاعري بجد ودموع كتير نزلت مع كل مرة أشاهده فيها، وكل مرة أشوفه أفضل أعيط وهو عمل حقيقي وقصة حقيقية".

رأي سمية الخشاب في الحب
وتابعت: "فعلا ممكن حد يضحي بحياته لو فيه حب حقيقي، وساعات الحب بيبقى جنون واللى يحب حد ممكن يعمل أي حاجة علشان يسعده ويضحى بحياته علشان يخليه يعيش".
عشق سمية الخشاب لفيلم تيتانك
وأشارت سمية الخشاب: "هادخل أشوف فيلم تيتانك بالتقنية الجديدة بس الألم هيبقى أكبر لإني هبقى عايشة الأحداث أكتر من الأول".

غياب مشاعر الحب في عصر المادة
ولفتت: "الحياة اتغيرت ونادرا نلاقى راجل يضحى بحياته علشان حبيته تعيش، بس الفكرة ان الأحاسيس والمشاعر اتغيرت وبقت الماديات بتسيطر أكتر ".

عيد الحب، قالت الفنانة سمية الخشاب:"أنا عقلانية رومانسية والعقل عندي بيشتغل في الوقت المناسب، وتدخل كتير علشان كده أنا لسه باقية على قيد الحياة".

صدمات سمية الخشاب العاطفية
وتابعت:"بعد النضج والخبرات بقيت أكثر عقلانية، ولكن قبل كده عشت صدمات كتير، أنا برج الميزان ونحانيح أوي في الحب ويموتوا في الرومانسية وبيحبوا يسعدوا الإنسان اللى بيحبوه وتتفانى علشان تسعده وتعمله استقرار في حياته علي حساب نفسها ولكن لما تيجي تحس أنه مش بيقدرها بتقلب عليه وتبقى وحشة أوي".

هدية سمية الخشاب في عيد الحب
وأكدت سمية الخشاب:"انا لا اعترف بحاجة اسمها عيد الحب ويبقى فيه يوم معين للحب، اللى بيحب حد بيحبه في أي وقت وبيهتم بيه ولو لقى حاجة حلوة بيشتريها له ويقوله أنا جيبتلك دي علشان عجبتني، وعلى سبيل اني ادلع نفسي ومش مستنية هدية من حد ممكن أجيب بيجامة أدفي بيها نفسي في الجو التلج ده أو دفاية أو بيرفيوم أو أي حاجة نقصاني هاكون هشتريها وأنا مبسوطة".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.