محيى إسماعيل يكشف عن سبب غريب لعدم إنجابه أطفال (فيديو)

قال الفنان محيى اسماعيل:"انا اتجوزت أرمل علشان مخلفش لأن أنا صغير وكان عندي 25 سنة بعد فيلم الأخوة الأعداء، لقيت كل بنت اجي احبها أقولها عن إذنك فتقولي ايه ده هتسيبني ورايح فين، اقولها رايح اشوف شغل، فتقولي ياه كده ولقيتهم كلهم زي بعض، فرفضت اتجوز".

سر عدم زواج محيى اسماعيل في سن صغيرة
وتابع خلال الجزء الثاني من لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"لما كنت صغير لقيت الشقة من حق الزوجة والموهبة هتضيع وجيبي مفيهوش فلوس وعايزة اجيب شقة ولو جبت عيل المحاكم هتشتغل، وموهبتي أقوي من أي واحدة، ودي كانت الظروف فقلت مش هاتجوز ولا عايز اجيب عيال".

سبب رفض محيى اسماعيل الإنجاب
وأضاف:"قلت هاقوي نفسي الأول ماديا، وبعدين اتجوز، ولما اتجوزت اتجوزت كبير أرمل ولو اتجوزت واحدة صغيرة وانا كبير هاجيب عيل أموت وهي تضيع".

محيى إسماعيل يحدد موعد تصوير فيلم معمر القذافي، ويروي قصة خلافه مع نور الشريف
محيى إسماعيل: بخاف من الموت، وهذا سر عدم حضوري أي جنازة (فيديو)

وكشف الفنان محيى إسماعيل ، في الجزء الأول من نفس اللقاء، سر غيابه عن حضور أي جنازات، مؤكدًا:"انا بخاف من الموت ومبحضرش جنازات".

سر عدم حضور محيي اسماعيل الجنازات
وأضاف:"عدم حضوري الجنازات خطأ في تكويني الشخصي لإني أخاف الموت، ومرة واحد ضحك عليا وقال لي انزل ادفن معايا فنزلت ادفن معاه شوفت المقبرة من جوا واللى بدفنها طلعت من المقبرة فأغمى عليا فحرمت، كل انسان ربنا مديله قدرات معينة فالواحد يحترم قدراته ويحافظ عليها".
الحوف من ركوب الطائرة
وتابع:"أخاف ادخل فيلم وميكونش الانتاج جاهز والعملية مش مدروسة صح، وبخاف انام في الطيارة خوفا من سقوطها وعلشان كده باقعد في ديل الطيارة علشان لو وقعت الحق ديلها".

تجسد محيى اسماعيل لعقد البشر
وأشار:"اضفت شئ لم يكن موجودا من قبلي في السينما المصرية حيث انني جسدت جميع عقد البشر لوحدي ومفيش حد في العالم عمل ده الا انا وقعدت في ده 40 سنة علشان اكشف حقيقة الانسان من الداخل".


وكشف الفنان محيى إسماعيل، في حديث سابق، عودته مجددًا إلى السينما من خلال فيلم جديد يقوم بتصويره حاليًّا، معلنًا رفضه الاشتراك في أي أعمال درامية أو مسرحية.

فيلم الكومندا
وقال محيي إسماعيل خلال مداخلة هاتفية ببرنامج "صالة التحرير" الذي تقدمه الإعلامية عزة مصطفى بقناة "صدى البلد": "أخدت بطولة فيلم الكومندا، ونصور مشاهده حاليًّا وهو دور جديد وفيه كوميديا، وراجع للسينما بقوة".

جائزة نوبل
ولفت: "قمت بتأليف رواية أدبية كبيرة جدًّا سأهديها للرئيس السيسي وقدمتها للحصول على جائزة نوبل، وأنا مش هشتغل لا تليفزيون ولا مسرح، اللي عايزيني يجيبني في السينما بس".

دخل محيي إسماعيل الشهري
وأكمل: "أنا عايش بإرادة ربنا ويكفيني 25 ألف جنيه في الشهر وهذا يكفيني وأنا عندي استغناء من 50 سنة".