محمد التاجي: كلامي عن العوضي وياسمين عبد العزيز اتفهم غلط | فيديو

قال الفنان محمد التاجي: "فكرت في اعتزال التمثيل بسبب موقف مع أحد أصدقائي كان يتفاوض معي للمشاركة في أحد الأعمال الفنية، وتفاجأت به يخرج بجملة وجعتني أوي قال لي هو أنت علشان ضمنت الحلقات في عربيتي هتتنطط علينا، فرميت الإسكريبت وأخذت عربيتي ومشيت".

موقف يوسف شعبان ومحمود الجندي
وتابع خلال لقائه ببرنامج "الستات" المذاع على قناة "النهار": "نفس الموقف اللي حصل معايا حصل مع يوسف شعبان ومحمود الجندي الله يرحمهم وقالوا احنا خلاص هنعتزل والوسط الفني مبقاش بتاعنا".

ولفت: "قلت إذا كان محمود الجندي ويوسف شعبان اتعمل معاهم مواقف سخيفة وقرروا الاعتزال فأنا لو اعتزلت هيجرى حاجة، واللي رجعني لما لقيت الدنيا اتقلبت عليَّ وكل القنوات بتكلمني".
حقيقة السخرية من أحمد العوضي
وأوضح: "أنا لم استنكر الدعم اللي حصل من أحمد العوضي لياسمين عبد العزيز وتم تفسير كلامي غلط، لما بيقولوا ليَّ إيه رأيك في البنات المتنحنحة على أحمد العوضي علشان وقف مع ياسمين عبد العزيز في محنة مرضها فقلت لهم ده طبيعي إن الراجل هو اللي يقف جنب مراته في محنتها".
سخرية محمد رمضان
وعن هجوم محمد رمضان عليه بعد استنكاره ما قام به من إلقاء الدولارات في حمام السباحة، علق "التاج": "لو كان بيتريق عليَّ ربنا يسامحه ومش بحب أخش في مهاترات ملهاش أي معنى".
محمد التاجي: رفضت الزواج من الوسط الفني واخترت الصالونات | فيديو
محمد التاجي ل مفيدة شيحة على الهواء: برامجكم بتبوظ دماغ الستات | فيديو
طلاق شيرين عبد الوهاب
ولفت: "قالوا لي إيه رأيك في طلاق شيرين عبد الوهاب قلت لهم عادي اللي بيتطلق يتطلق وهي مش أول مرة تتجوز وتطلق وفيه ستات كتيرة ورجالة كتيرة بيتجوزوا ويتطلقوا ليه بيبقى فيه تنمر، أنا من معجبين شيرين عبد الوهاب ولكن عمري ما قابلتها".