إبراهيم حسن عن مباراة الأهلي: اللي حصل فضيحة.. والماتش لازم يتعاد

أعرب إبراهيم حسن، مدير الكرة بنادي المصري البورسعيدي، عن غضبه الشديد من الأداء التحكيمي في مباراة فريقه أمام النادي الأهلي التي انتهت بفوز الأحمر بهدفين نظيفين.
أزمات صحية لإبراهيم حسن
وقال إبراهيم حسن خلال مداخلة هاتفية ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "إحنا عندنا جلطات وسكر هنعيش إزاي تاني بقى؟.. هنعيش إزاي 100 سنة باللي بيحصل معانا ده ؟".
هدف المصري البورسعيدي الملغى
وأضاف: "النادي الأهلي مش منتظر حد يجامله ولا عايز حكم يظلم فريق، وفي كرة الهدف الملغى بتاعنا اللي لمس الكورة هو مدافع الأهلي لذلك لا يوجد تسلل".
ظلم نادي المصري
وتابع: "اللي بيظلم ده هتروح فين من ربنا، زي ما الأهلي والزمالك عايزين يكسبوا الدوري المصري برضو في اللي عايز يقعد في الدوري".
ولفت: "بقول لمن ظلمنا في مباراة الأهلي اتقوا ربنا بقى الكرة في مصر بقت حاجة وحشة، وضربة الجزاء بتاعت أوموتو لو كانت للأهلي كانت اتحسبت".
إعادة مباراة الأهلي والمصري
وأكمل: "إحنا بنشتغل وعندنا ضمير مينفعش حد يظلمني، والماتش لازم يتعاد لأن اللي حصل ده فضيحة".
وفاز النادي الأهلي على المصري البورسعيدي بهدفين دون رد على ملعب برج العرب بالإسكندرية ضمن منافسات الجولة 30 من بطولة الدوري الممتاز للموسم الحالي 2021-2022.
وسجل رامي ربيعة قائد الأهلي الهدف الأول في الدقيقة 80 من ركلة جزاء حصل عليها البديل حسام حسن بعد الرجوع لتقنية حكم الفيديو.
"مستوى متميز وهدف +90".. اختيار حسام حسن نسر مباراة الأهلي والمصري
عايز حقي.. حسام حسن يوجه رسالة للسيسي بسبب أحداث مباراة الأهلي والمصري
وسجل حسام حسن الهدف الثاني في الدقيقة 96 من انفراد تام.
الفوز رفع رصيد الأهلي إلى 62 نقطة في المركز الثالث، فيما تجمد رصيد المصري بقيادة حسن حسن المدير الفني عند 33 نقطة في المركز الحادي عشر.