"خليه يمشش".. حملات لمقاطعة البيض بعد وصول سعر الكرتونة ل80 جنيها

بدأ نشطاء مواقع التواصل الاجتماعي في إطلاق حملات لمقاطعة البيض، بعد ارتفاع أسعاره، حتى وصل سعر كرتونة البيض إلى 80 جنيها، بعد أن كان سعر الكرتونة 48 جنيها فقط.
حملات مقاطعة البيض
ودشن نشطاء مواقع التواصل الاجتماعي هاشتاجات "لا لشراء البيض"، و"محدش يشتري بيض"، و"قاطعوا شراء البيض"، و"مقاطعة البيض"، و"خليه يمشش"، وتصدرت الهاشتاجات المقاطعة تريند مصر على تويتر، مطالبين بتنشيط عملية مقاطعة البيض للارتفاع سعره بدون مبرر، حسبما أكد النشطاء ذلك.
تفاعل نشطاء مواقع التواصل الاجتماعي مع هاشتاجات المقاطعة، فقال أحمد عبد المطلب "محدش يشتري بيض لمده شهر وهو هيرخص جدا دى الفرخه اللى بتجيب البيضه مش غاليه كده حرام ال10بيضات يبقوا ب30جنيه #لا_لشراء_البيض.. انت لو واحد بتتمرن محتاج من بيضتين ل4 بيضات في اليوم الواحد طيب هتجيب كرتونة ب80 جنيها وفي ناس بتقول انها وصلت 90 جنيها #محدش_يشتري_بيض"
خليه يمشش
أما أبو الرجال فقال " #قاطعوا_شراء_البيض... حملة مقاطعة البيض بعد ارتفاع اسعاره انا مش هاشتري كرتونة البيض الا لما يرجع سعرها 30 جنيه #قاطعوا_شراء_البيض مش هنموت من الجوع"
وعلق وسام عز قائلًا: "رئيس شعبة الدواجن قال إن البيض هيوصل للمستهلك عن ب62 و64 للكرتونة فسوري كلوها انتوا مايلزمناش السعر دا ومش هنشتري غير بعد ماتوصل لسعرها اللي كانت ثابتة عليه من فترة 40 جنية للكرتونة #مقاطعة_البيض"
أما شادي علي فرد قائلًا: "تجارة البيض مافيا كلنا نمتنع عن شراء البيض شهر وهيفقس بالمحلات وبالشفا للجشع والطمع"
وقال أشرف علوي "#مقاطعة_البيض #خليه_يمشش بعد ارتفاع اسعاره انا مش هاشتري كرتونة البيض الا لما يرجع سعرها 30 جنيه قاطعوا..مش هنموت من الجوع.."
ورد عماد 1999 قائلًا: "#مقاطعة_البيض لازم المقاطعة الحل فعلا مقاطعة اي ارتفاع غير مبرر للاسعار"
ارتفاع سعر كارتونة البيض
أما نهاد علي فقالت: "صراحة لازم مقاطعة، اسعار البيض في مصر لم يشاهدها أحد من قبل ولا يوجد سبب لهذا الغلاء قاطعوا"
وأضاف محمد محمد صلاح "مقاطعة شراء البيض لوصول سعر طبق البيض 75 جنيه.."
وعلق محمد متولي قائلًا: "لو الجميع عمل مقاطعة تجار قوت الشعب هيخسرو ارجو الجميع يتنازل عن استخدام البيض مؤقتا ودي خدمه لغير القادر علي شراءه حتى يرجع للسعر المعقول ثلاثون جنيها"
وقال شريف أبو شادي "فيه حملات مقاطعه شراء البيض والفراخ بسبب الإرتفاع الكبير لأسعارها هو احنا معانا نشتريها عشان نقاطعها يا جماعة #مصر_كلها_هتقاطع_البيض_والفراخ #مقاطعة_البيض_والفراخ"
وعلق علي حسن "المهم بعد أسبوعين محدش يشتري بيض لأنه هيكون قديم والحر طبعا ضربه وغالبا هيكون علي وشك انه يفسد...اذن محتاجين شهر كمان مقاطعة ويكونوا اتخلصوا من البيض القديم....خليهم يخللوه"
أما أبو محمد فقال " #مقاطعة_البيض ابدأ بنفسك ومتشتريش البيض اسبوع واحد وانا معاك.. والله البيض هايترمي في الشارع وببلاش."
شعبة الثروة الداجنة تكشف أسباب ارتفاع أسعار البيض في الأسواق
أخبار الاقتصاد | أسباب الارتفاع الكبير في أسعار البيض.. وتوقعات بتراجع ثمن الحبوب عالميا
وردت عائشة محمد قائلة: "#قاطعوا_البيض فيه حملات كتير شغاله على مقاطعه البيض البيض في الجو دا مش بيستحمل قاطع وهتشوف النتيجه في اسبوع".