بعد تعرضها لعضة كلب.. رحمة حسن تكشف تطورات حالتها الصحية

كشفت الفنانة رحمة حسن تطورات حالتها الصحية، بعد إصابتها بعضة كلب، حيث عقرها كلب جيرمن شيبرد، منذ بضعة أيام، في منطقة حساسة وتسبب لها في جرح غائر.
وطمأنت رحمة حسن، الجمهور على حالتها الصحية، إذ نشرت صورة لها وعلقت كاتبة: الصورة دي علشان أطمن الناس اللي سألت عليا، إن شاء الله هبقى كويسة واحدة واحدة.
وأشارت إلى أنها ما زالت تستكمل الحقن والتغيير على الجرح يوميًا، إذ كتبت: أنا لسه بكمل الحقن وبغير على الجرح كل يوم بس الصورة دي علشان تطمن أصحابي وكل الناس الغاليين، شكرًا جدًا، ادعولي أبقى أحسن حقيقي.
تفاصيل الحادث
وكانت رحمة حسن تعرضت لعضة كلب في أول يونيو الجاري، إذ كشفت تفاصيل الحادث التي تعرضت له في منشور عبر حسابها بموقع فيس بوك إذ كتبت: مساء الخير إمبارح الساعة 11 بالليل كنت نازلة أجيب حاجة من السوبر ماركت جنب البيت، وكنت ماشية على الرصيف، وكان فيه عربية بتركن جمبي عادي، فجأة الباب اتفتح ولقيت كلب جيرمن شيبرد تقريبًا مش متأكدة أوي، بيهجم عليا بكل قوته، طبعًا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصحبته حاولت تشده، بس فك الليش بتاعه وعضني عضه كبيرة في منطقة حساسة.
وأشارت إلى أن صاحبة الكلب أخذتها على الفور إلى المستشفى وأعطوا لها حقنة تطعيم الكلب، لافتة إلى أن تشعر بالصدمة، مستكملة: واللى واجعني أكتر أني مش عارفة أتصرف ازاى، خصوصا أنى اكيد مش عايزة الكلب يتأذي، بس كمان مش عاوزة أي إنسان كمان يتأذى ويتعض ويتبهدل في الشارع زيي، أنا كنت بشوف الكلب ده دايما مع صاحبته بتمشي بيه فى الشارع جمب البيت عندي، وعلشان شكله شرس كنت بامشي بعيد عنه.