كشفت الفنانة رحمة حسن عن تطورات حالتها الصحية، بعد إصابتها بعضة كلب، حيث عقرها كلب جيرمن شيبرد، منذ بضعة أيام، في منطقة حساسة وتسبب لها في جرح غائر.
وطمأنت رحمة حسن، جمهورها إذ نشرت صورة لها وعلقت كاتبة: "الصورة دي علشان أطمن الناس اللي سألت عليا، إن شاء الله هبقى كويسة واحدة واحدة".
أضافت، "أنا لسه بكمل الحقن وبغير على الجرح كل يوم بس الصورة دي علشان تطمن أصحابي وكل الناس الغاليين، شكرًا جدًا، ادعولي أبقى أحسن حقيقي".
وكانت كشفت الفنانة رحمة حسن عن تعرضها لحادث بعد مهاجمة كلب لها، وعضها.
وحكت رحمة حسن عبر حسابها على Instagram أنها كانت تسير في الشارع بجوار منزلها مساء أمس، حين غافل كلب صاحبته وقفز ليهاجمها ويعضها محدثا جرحا عميقا في جسدها.
أضافت، "امبارح الساعة 11 بليل كنت نازلة أجيب حاجة من السوبر ماركت جمب البيت، كنت ماشية علي الرصيف وكان في عربيه بتركن جمبي عادي، فجاه الباب اتفتح ولقيت كلب جيرمن شيبرد بيهجم عليه بكل قوته".
تابعت، "طبعا حاولت أجري لكن للاسف الكلب كان قوي وشرس ووقعني علي الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيرة وغويطه بنابه في منطقة حساسة".
أوضحت، "صاحبة الكلب كتر خيرها اخذتني فورا علي مستشفي إمبابة، أدوني حقنه تطعيم الكلب ولسه فاضل لي 4 هاخدهم خلال شهر، بس المشكله أن من امبارح الجرح بينزف دم كتير، وأنا طبعا خايفه ومصدومة وتعبانه وعندي تروما من امبارح والي واجعني أكتر أني مَش عارفه اتصرف إزاي، خصوصا أني أكيد مَش عايزه الكلب يتاذي، بس كمان مَش عايزه أي إنسان كمان يتاذي ويتعض ويتبهدل في الشارع زيي".
أردفت، "كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه، امبارح صاحبة الكلب قالت لي متخافيش هو عض ولادي قبل كدا وتمام محصلش حاجة".
أكملت، "طبعا أنا اتصدمت لما عرفت أنها مَش أول مره الكلب يعض حد ومع ذلك هي سايباه عادي في الشارع من غير كمامه أو حد قوي يمسكه، بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسؤل مسؤلية كاملة عنه ويحاسب علي إهمال مسؤليته، خصوصا لو إهماله تسبب لشخص تاني في أذى بدني يحتاج أكتر من 21 يوم علاج وأذى نفسي ماعرفش هايحتاج قد أيه عشان يخف"، أنا كنت بحب أنزل أحط أكل ومياه للكلاب والقطط تحت البيت، دلوقتي أنا حقيقي مرعوبه أقرب منهم وخايفه جدا".
اختتمت، "أنا أسفة طولت عليكم بس أنا بجد مَش عارفه المفروض أعمل إيه عشان محدش تاني يتأذي".
DMCA
PROTECTED