أبين زين

وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف
واخدينا علي فين.. قولوا لنا بس يا إخوانا.. هي البلد ناقصة حرب وضرب في ميدانا.. واللا انتو عايزين في لحظة تقطعوا لسانا.. وتسيطروا بالهتاف علي كل أحوالنا.. والرمل قال للودع فيه ناس بتسألنا.. هي الحكاية بقت إرهاب لأوطانا.. ليه كل حبه اعتداء وكلام يكفرنا.. الشعب قال كلمته.. لما انكشف حالنا.. والكرسي والحكم مش تهديد لراسمالنا.. وسيطرة ع النظام وبفكر حملنا.. كل اللي شايفينه من إزعاج وأحزانا.. ونجمكم ابتدى يبعد كتير عنا.. فما فيش لزوم ترعبوا ستاتنا وعيالنا.. وصدقوني مافيش فايدة يا أبطالنا!!؟.. الشمس طلعت وبتنور لأشبالنا.. اللي علي الدرب ثاروا وأصبحوا رجالنا.. ففكروا ألف مرة مين محاصرنا.. من العدا نفسه يعرف كيف يأخرنا.. فصححوا وضعكم لخلاف يدمرنا.. اقروا التاريخ شوفوا علي حكمه أجبرنا.. واللي ظلم يوم عرف في مصر مقدارنا.. الشعب مالوش كبير بخداعه يسحرنا.. وودعي قال كل حاجة فيها أقدارنا.. الحكم مش فريسة لصغارنا وكبارنا.. الحكم عدل وإرادة لكل أحرارنا.. بيوحد الصف مش بيفك ضفايرنا.. نفسي أشوف ردكم علي كل محاونا.. بيقول نعم كلنا إيد واحدة تنصرنا.