سمية الخشاب لمطعم شهير: مش عايزين حد يأكل قبل الفطار يبقى تقفلو محلاتكم

هاجمت الفنانة سمية الخشاب المطاعم التي تفتح للعمل قبل الإفطار في شهر رمضان، وتفرض على مرتاديها عدم تناول الطعام إلا بعد الإفطار، واصفة ذلك بأنه أكبر مظاهر "التخلف"، وطالبت بعدم فرض الطقوس والمعتقدات على أحد.
سمية الخشاب تهاجم مطعم كشري
وعلقت سمية الخشاب على واقعة منع أحد محلات الطعام لأسرة مسيحية من تناول وجبة كشري في رمضان قبل الإفطار فقالت: "مش عايزين حد يأكل قبل الفطار يبقى تقفلو محلاتكم"
وكتبت سمية الخشاب تغريدة على تويتر "متفرضوش معتقداتكم أو طقوسكم أو أي سلوك على غيركم عشان ده أكبر مظاهر التخلف".
وقالت "لما مطعم يكون فاتح لو أي حد طلب أكل يبقى من حقه يأكل براحته، ما دام بتشتغلوا وبتاخدو مرتب يبقى تعملوا شغلكوا صح مش عشان عارفين أنه رمضان وأنه معظم الناس صايمه يبقى تفرضوا ده علي الناس اللي مش صايمه لمجرد انكم مكسلين تشتغلوا، مش عشان معتقدهم مختلف وبيراعوا يبقى حق مكتسب".
يبقى تقفلو محلاتكم
وأضافت "مش عايزين حد ياكل قبل الفطار يبقي تقفلوا محلاتكم والناس اللي بتشتغل ومش عايزه تمارس شغلها متاخدش مرتبها وترتاحوا وتريحوا، كفايه ازدواجية بقي والذي منه"
وكانت أسرة مسيحية اتهمت أحد مطاعم الكشري الشهيرة بمنعها من تناول الطعام داخل أحد فروع سلسلة مطاعمها، ورفضت تقديم وجبة الطعام إلا بعد أذان المغرب. في الوقت الذي رفضت إدارة المطعم الاتهامات التي وجهت لها قائلة بأنها غير صحيحة.
وكانت سيدة تدعى سلفيا بطرس، نشرت تدوينة عبر صفحتها على موقع التواصل الاجتماعي "فيس بوك" اتهمت فيه إحدى مطاعم الكشري في القاهرة برفض تقديم وجبة طعام لطفلتها إلا بعد أذان المغرب.
وقالت سلفيا بطرس، عبر صفحتها الشخصية على ال"فيس بوك": "نزلت النهارده جبت بنتي من الحضانة، كان عندها تمرين روحنا جري على هناك وباباها خلص شغله وعدى علينا، بعدما خلصنا بنتي قالت أنا جعانة، قولنا فرصة واحنا بره نعدي ناكل أي حاجة، وبما اننا صايمين ولقينا ". محل كشري، فاتح وشغالين قولنا ناكل ونروح".
الطعام قبل أذان المغرب
وتابعت سلفيا في تدوينتها "قعدنا وطلبنا وجه الاكل، ويادوب البنت بتاكل أول معلقه لقينا واحد من العاملين جاي بيقول ممنوع الأكل قبل المغرب، فتساءلت يعني ايه.. مش ده مطعم ومفتوح والناس قاعده، قالي اه الناس تقعد بس محدش ياكل قبل الآذان، قولت له انت صايم ومستني الآذان براحتك أنا مش صايمه للمغرب وقاعده في "مطعم" والأكل قدامي ازاي ماكلش".
وأضافت "قالي هو ده النظام.. ولقينا واحد تاني جاي غالبًا مديره وبيكرر نفس الكلام، ف احنا بقى مطلوب مننا نطلع معلقة الأكل من بق البنت ونقنعها انها ماتاكلش في المطعم علشان فيه ناس قرروا يفرضوا ده على غيرهم..."
في الوقت الذي علقت إدارة مطعم الكشري الشهير، عبر بيان لها، قائلة بإن السيدة سلفيا طلبت "أوردر تيك أوي"، وأنه غير مسموح بتناول أوردر ال"تيك أواي" داخل صالة المطعم.
وأضاف المطعم في بيانه "الأوردر التيك اواي غير مسموح بتناوله داخل الصالة.. العميلة لم تجلس داخل الصالة لأنها مغلقة في هذا الوقت ولم يتم منع العميلة أو الطفلة وإذا حدث غير ذلك فهو خطأ فرد وليس منظومة وسوف يتم معاقبة المسؤول عن الخطأ المُرتكب".
بعد الضحك على صورتها.. سمية الخشاب توجه رسالة لغادة عبد الرازق
سمية الخشاب تفتح النار على متابعة انتقدت ارتداءها للحجاب
وأكد المطعم أنه اعتذر للسيدة سلفيا، التي تقبلت أعتذارهم، وعلق المطعم الشهير قائلًا: "نحن نكن كل الاحترام لكل العملاء ولا يجوز التفرقة بين أي عميل فكلنا أخوة ولانعرف هذه النبرة الدخيلة علينا ولم يعهدها أحد علينا طوال 60 عامًا".