أنغام عن أغنية شنطة سفر: خطفتها من مطربة وأحرجت أبويا وبعت عربيتي علشان أنتجها

قالت الفنانة انغام:"دخلت اختبار الإذاعة وانا عندي 15 سنة وكدبت عليهم وقلتلهم إن عمري 17 سنة، وقالولي مش هانعتمدك علطول ولكن هنعطيكي فرصة بتسجيل أغنية عن الأم في الإذاعة وده اللي حصل واتسجلت في الفرقة الماسية وطلعت بيها أول حفلة وأخدت الإعتماد بعدها".
أول حفل ل انغام
وأضافت خلال لقائها ببرنامج "سهرانين" الذي يقدمه الفنان أمير كرارة بقناة "أون إي":"أول حفلة الإذاعة كانت عظيمة وقتها".
دعم وترحيب الجمهور
ولفتت:"أول ما طلعت للناس في اول حفلة ليا الناس سقفت اول ما شافتني واتخضيت من رد فعلهم، ولكني كنت جريئة، وعجبتهم من أول كوبليه".
رأي الدكتورة رتيبة الحفني
وعن الدكتورة رتيبة الحفني:"الناس دي اللى ربتني وكان ست عظيمة وانا محظوظة ان الحقت العظماء دول، وكانت عميدة معهد الموسيقى العربية وجابتني في المكتب عندها ونزلت مخضوضة ساعتها فقالتلي أن سمعت إنك بتغني فقلت لها انا بغني في الاذاعة والتليفزيوني فطلبت تسمع صوتي، فغنيت حاجة صغيرة ومكنتش في مودي ومش مجمعة، فقالتلي عايزينك تغني في فرقة أم كلثوم، فقلت لها انا هاغني صولو مش هاغني في الكورال، واعطتني الفرصة وطلعت غنيت أغنية "بسبوسة" للموسيقار محمد عبد الوهاب".
أسعار تذاكر أحدث حفلات أنغام بالإسكندرية
الأوبرا عن أزمة حفل أنغام: عطل فني وليست المرة الأولي| فيديو
كواليس أغنية شنطة سفر
ولفتت:"اغنية شنطة سفر، مهمة وفي وقتها لأن فترة كانت الشباب بتهاجر وكل بيت تدخله تلاقى شاب مسافر علشان أكل العيش، والشاعرة فاطمة جعفر إسكندرانية زيي وكتبتها علشان اخوها كان مسافر، وغنيتها وأبويا لحنها، وكانت بالمناسبة مكنتش بتاعتي وأخدتها ودي كانت نعمة ورزق، وانا أخدتها من أبويا علطول بدون استئذان، وأبويا أحرج شوية من الست ولكني قلت له دي فارقة معايا وعايزاها وغنتها، والمنتج اللى كان عاملي الشريط ده توفى فكده مكنش فيه انتاج.
وتابعت: بالصدفة اتعرفت على المخرج عاطف الطيب وعجبته اغنية شنطة سفر وقاللى ده فيلم قصير، وانا شايف صورة للأغنية دي وقتها حسيت ان السماء بتتفتحلي وانا اللى انتجت الأغنية، وقتها طلب مبلغ كبير للإنتاج اللى كان مدته 4 ايام تصوير، وكان معايا جزء من فلوس الكليب وبعت عربيتي وبعد ما اتعرض الكليب اشتريت عربية".