غادة إبراهيم: 20 سنة مقطعتش الصلاة وعمري ما قربت من الحرام وفي النهاية يتقال عليا شمال

قالت الفنانة غادة إبراهيم: "كل الرجالة الخاينين ستاتهم زي القمر ومحافظين على بيتهم وأمهات يجننوا ومفيهموش غلطة".

رومانسية غادة إبراهيم
وأضافت خلال لقائها ببرنامج "ونقوم كمان" الذي تقدمه ياسمين الخطيب بقناة "النهار": "أنا برج العقرب مبعرفش أحب إلا بجد، وكنت رومانسية وحبيبة من القلب ومخلصة ومتفانية مع جوزي لكنه خاني مع واحدة مترهلة".

طليق غادة إبراهيم
وتابعت: "بعد طلاقي اتقدملي واحد صاحب جوزي لأنه كان متجوز وصاحب بيت ومكنش ينفع ارتبط بيه لأن العلاقة ما بينا كانت شائكة".
وأكملت: "بعد الطلاق حاول طليقي يكلمني أكتر من مرة، وبيقول لأصحابي أنه محبش في حياته غيري وأنه مش هيتجوز بعدي تاني".

سجن غادة إبراهيم
وأردفت غادة إبراهيم: "دخلت السجن 20 يوما ومروا عليا وكأنهم 20 سنة، والقصة أنى كنت بقضى رأس السنة في بيروت زي كل سنة أنا وأختي والأولاد ورجعت يوم 3 يناير قالوا لي المستأجر اللى أخد منك الشقة قبضوا عليه امبارح، وهو كان بيأجر الشقة مفروشة لأجانب وعرب وبيأجر عربيات وأماكن سهر وعنده شركة رجال أعمال".

قضية آداب
واستطرد: "الشقة كانت بتاعتي وأجرتها قانون جديد من 2014 والواقعة كانت في 2016 والمحامي بتاعي عرف منه أنها قضة اَداب ومخلة بالشرف، ووقت الواقعة كنت في بيروت، والتهمة كانت إدارة مسكن منافي للاَداب، واللى كان مأجرها مني كان مديها ل3 سعوديين، وبعد شهرين فجأة لقيت قرار ضبط وإحضاري لنيابة دار السلام، وقالوا لي الشقة كان فيها بنات واتضح أن أعدائي كانوا عايزني أدان في قضية مخلة بالشرف ومنهم الست اللى خانني جوزي معاها وصاحبتها اللى بتعاونها في كل حتة وانضم لهم زوجي السابق وطلع خاين وغدار".

خطايا منى زكي.. الفنانة "المحافظة" تثير الجدل في "أصحاب ولا أعز".. ودعاوى لحظر "نتفليكس"
انتداب المعمل الجنائي لبيان سبب حريق داخل عقار تسكنه الفنانة وفاء عامر
حكم غادة إبراهيم
وأكملت: "القاضي برأني، وطلع حكم قضائي بيقول لم يطمئن قلب المحكمة وأرتأت المحكمة أن القضية يشوبها ظلال من الشك والريبة وعدم اليقين والتناقض في الأقوال والتحريات".

وتابعت الفنانة غادة إبراهيم: "على مدار 20 سنة مطلعش عليا إشاعة قذرة وفجأة يتكتب عليا أني شمال إزاي وده غير حقيقي والناس مصدقتش، والحمد لله أنا براءة من ربنا وبالقانون، والمشكلة أن فيه عائلة كاملة اتضرت من الشائعة ونزلى كم أخبار غير طبيعية وكأني نجمة مصر الأولى".

صلاة غادة إبراهيم
وأكدت: "على مدار 20 سنة بصلي ومبقطعش صلاة، وعلاقتي بربنا قوية وعمري ما اقتربت من الكبائر".