أفشة يتحدث عن علاقته ب محمد شريف داخل النادي الأهلي

تحدث محمد مجدي أفشة لاعب الفريق الأول لكرة القدم بالنادي الأهلي عن علاقته بمحمد شريف مهاجم الفريق الأحمر، وعن الذين يحاولون إفساد هذه العلاقة.
محمد شريف
وقال أفشة خلال حديثه عبر قناة إم بي سي مصر: "حاجة كويسة لما يكون في اتنين لاعيبة مع بعض في فريق واحد بيشاركوا في 50% من أهداف النادي الأهلي، ده رقم كويس جدا".
وأضاف: "ليه عاوزين تعملوا العكس، وتبعدوا أفشة وشريف عن بعض، شريف زعل شوية بسبب الاحتفال، هو عاوز يحتفل لوحده بعد لما كنا بنحتفل مع بعض بعد كل هدف".
وواصل: "في حاجات غريبة بتحصل في مصر مش بستوعبها، برة مصر مفيش الكلام ده، لو في اتنين كويسين مع بعض الناس بتقف جنبهم علشان يكونوا أحسن، لو مسجلين 30 هدف بيساعدوهم علشان يسجلوا 60، هنا بشوف عكس الكلام ده".
وأتم أفشة حديثه: "أنا وشريف مع بعض على طول في النادي أو برة، في فترة الناس قالوا مش بباصي غير لشريف علشان يجيب اجوال، ماشي موافق مش هباصي غير لشريف بس علشان مصلحة الفريق لو معايا واحد تاني غير شريف هديله يجيب جول أهم حاجة مصلحة النادي لكن الاشخاص بعد كدة".
أحمد نبيل كوكا
من جهة أخرى قال قال الدكتور أحمد أبو عبلة، طبيب الفريق الأول لكرة القدم بالنادى الأهلى إن أحمد نبيل «كوكا»، ظهير أيسر الفريق، خضع لفحوصات طبية دقيقة خلال الأيام الماضية بعد إصابته بفيروس كورونا.
وأوضح أبو عبلة أن الفحوصات التي خضع لها اللاعب أثبتت حاجته لراحة سلبية تصل إلى شهر ونصف؛ بسبب معاناته من بعض مضاعفات كورونا التي لا تظهر إلا من خلال تلك الفحوصات.
وأشار طبيب الفريق إلى أن حالة اللاعب مستقرة تماما ولا يعاني من أي أعراض كورونا ومعاناته من المضاعفات حالة باتت شائعة يتعرض لها بعض الرياضيين بعد الشفاء من كورونا حاليا.
أفشة: حزين لرحيل كهربا عن الأهلي
أفشة: الزمالك أحسن نادي في أفريقيا لأن الأهلي في حتة تانية | فيديو
راحة لكوكا
وأكد أبو عبلة أنه منح اللاعب الراحة السلبية اللازمة في إطار المتابعات الدورية التي يجريها على كل اللاعبين بعد شفاء كل منهم بفيروس كورونا.