رغم تبرئتها طليقها من حلق شعرها.. النشطاء لشيرين عبد الوهاب: يارب تكوني بخير

لاقت تغريدة الفنانة شيرين عبد الوهاب تفاعلا كبيرا بين نشطاء مواقع التواصل الاجتماعي، وخاصة بعد نفيها شائعة مفادها أن طليقها حسام حبيب قام بحلق شعرها، فظهرت باللوك الجديد الذي فاجأت به جمهورها، الأمر الذي أثار جدلًا كبيرًا بين نشطاء مواقع التواصل الاجتماعي، بعضهم لم يستبعد قيام طليقها بهذا الأمر، والآخرين أكدوا على دعمها بأي صورة جديدة تظهر بها، قائلين إنها حريتها.
وكانت شيرين عبد الوهاب علقت على الشكل الجديد الذي ظهرت به على جمهورها وهي حليقة الرأي فقالت عبر حسابها على تويتر: "ليه ميكونش لوك جديد؟، ليه ميكونش تغيير؟، ليه ميكونش انا اللي عملت كدة حتى لو عندي اكتئاب؟، ليه فرضتوا السيء والاسوأ وظلمتوا شخص بريء وظلمتوني.. انا قوية بيكوا، بس محبش حبكوا ليا يخليكوا متشوفوش الحقايق او تكونوا ظالمين"
دعم شيرين عبد الوهاب
أثار تعليقها الشك والتردد مع دعمها في آن واحد، فقال محمد فارس طمان "المهم انك تكوني راضية عن تصرفاتك ونفسك"
وعلق الماحن محمود الخيامي قائلًا: "كل اللي تعمليه حلو ف اي مكان واي وقت وحقك وبراحتك"
بعد ظهورها بدون شعر.. شيرين عبد الوهاب: أنا خلاص بقيت سنجل | فيديو
آيتن عامر تدعم شيرين عبد الوهاب: "أنتي حلوة في أي شكل وأي حال"
وهنا ردت أسماء بنت إبراهيم قائلة: "شيرين انتي قلتي مع نضال انا دلوقتي مش مستعبده والان تقولي متظلموش حد بريء..من اللي بريء!!؟انتي تضايقي الناس كذا مش عارفين انتي محتاجه دعمهم وحبهم ولا بتتلاعبي بيهم.. الا اذا كنتي خايفه من شيء ولك عذر قوي في تناقضك"
موضة حلوة
وقالت الإعلامية روعة أوجيه " لايق عليكي، ودي موضة حلوة أصلًا وأنثوية جدًا وأصيلة لمنطقتنا بس الناس تعوّدت على شكل واحد فرض نفسه مع إنّه جاي من الغرب أصلًا، وبكرة حتشوفي ستات كتير بيحلقوا زيّك. ولا يهمّك تعليقاتهم. نعيمًا"
أما حسين أبو السعود فقال "هو انتي ليه مش عندك ثقافه تقبل اختلاف اراء الناس، عملتي حاجه مختلفه جديدة اي كان سببها، دي حريتك. بس من الوعي أننا نبقى عارفين أن طبيعي يكون في حد ينتقد أي اختلاف. دي مشكلتك انك لازم تتوقعي اراء الغير سواء مع أو ضد"
وردت إيمان قائلة: " أراء ايه دي اتهامات انه ضربها وحلق شعرها هي دي بقت أراء ومفروض تتقبلها"
وعلقت رحاب ضاهر قائلة: " كل الحب كل الدعم بشعر بدون شعر بنحبك وما بدنا اكتئاب ابدا.. ما حدا بيستاهل المهم انت وبناتك تكونوا بخير"
درس كبير عن الانفصال
أما الاعلامية غدي فرنسيس فقالت "نحتاج جميعًا إلى حلق رؤوسنا مرة واحدة على الأقل في العمر. درس كبير عن الانفصال، والعثور على أنثى بداخلك، وتجاهل وتجاهل جميع الرموز الأبوية التي نشأنا على احترامها. لدي الكثير من الحب لشيرين اليوم... المزيد من القوة لأختنا الجريئة من مصر"
فيما علقت منال ياسين قائلة: "صعب فى مجتمعنا وعادتنا وتقالدنا نعمل اللى يخطر ببالنا من غير منفكر فى ردة فعل اللى حوالينا لاننا ببساطة محكومين زى ماقولت بعادات وتقاليد والأهم الدين.."
وأضافت مها الهلالي "لا ياشيرين لو لوك جديد ف انا مش معاكي وزينه البنت شعرها... انا بحبك ومقدراكي من حقك تزعلي وخدي وقتك ف الزعل لكن ارجعي اقوى وانجح"
يا رب تكوني بخير
وقال محمد البدوي "ومش وقته خالص انا واحد من اللي بيحبوها ويقدروها افتكرنا الموقف متعلق بطليقها لا وكمان فيه ناس قالت ان هو كتفها وقص شعرها وضربها وطلعوها بنفسها تبرأه دي حاجه كويسه علشان الكلام يتقفل وانا شايف انها اصيله جدا علشان ما اتكلمتش عنه بسوء"
وتابعت أمل فش "اكتئاب من ايش؟ اكيد منه اللي ما يتسمى الغريب انك للحين عمياء عن انه كان شخص سيء وبتقولين عنه بريء"
ورد ميمو قائلًا: " أنا ولا يفرق معايا شعرك ولا يفرق معايا البرئ وعيلته كلها أنا اللى يهمنى فى كل الليلة دى انتى.. انتى وبس... احنا مش ناس بتسمعك عشان صوتك الحلو وبس.. احنا أهلك.. وانتى بنتنا... واللى يرشك بالمية نرشه بالدم فاهمانى يا شيرين؟! يارب يكون كلامك صح وتكونى بخير زى مابتقولى"