تريزيجيه: التطور اللي بيحصل في مصر حاجة تفرح

أشاد محمود حسن تريزيجيه، نجم منتخب مصر ونادي أستون فيلا الإنجليزي، بالتطور الذي تعيشه مصر في الفترة الاخيرة تحت القيادة السياسية للرئيس عبد الفتاح السيسي.
وقال تريزيجيه، في تصريحات تليفزيونية لبرنامج البيت الكبير عبر قناة النادي الأهلي مع الإعلامي إسلام الشاطر: التطوير اللي بشوفه في بلدي مش موجود في مكان تاني، ومش بقول كدة عشان حاجة لأنى مش محتاج حاجة من حد، لكنها شهادة حق، أنا بحب بلدي وبرتاح فيها، وحاليا تعيش حالة فريدة من التطور".
وأضاف تريزيجيه: اللي بيحصل في مصر حاجة تفرح بجد، محدش ينكر التطور الكبير اللي بتعيشه البلد".
فخور ب برونزية المونديال
وتابع تريزيجيه: أنه كان فخورا بالنادي الأهلى حينما حصد برونزية كأس العالم للأندية نهاية العام الماضي قائلا: "كنت فخور بالأهلي لما فاز ببرونزية كأس العالم وكنت بقول لزمايلي في استون فيلا أنا طالع من النادي ده".
مباراة الكونغو
وكشف تريزيجيه: سألت محمد صلاح كنت بتفكر في ايه وانت بتشوط ضربة جزاء الكونغو؟، قالي اني احطها في الجون.. انا هاشوط وال100 مليون هيحتفلوا.
وأشار تريزيجيه: حطيت رجلي في ماتش الكونغو امام المدافع لكي نحصل على ضربة جزاء وقلت حتى لو رجلي هاتتكسر هاكمل عشان نوصل كاس العالم.
الأهلي بطل أفريقيا
وأردف تريزيجيه: الاهلي بطل افريقيا السنة دي وهافكركم وكالعادة هنقفل الصفحة دي ونركز على البطولة اللي بعدها لاننا مبناخدش بطولة ونعيش عليها.
وأتم تريزيجيه:"الإصابة في استون فيلا كانت مفاجأة لي لأنني كنت قد استعدت لياقتي، ولكن هذا قدر الله، الإصابة صعبة، ولكن وضعت تحديا أمامي أن أعود أقوى من ذي قبل".