محمود شكوكو يعترف: الأهلي نادي الشعب

اشتهر بخفة الظل، وتميز بأداء المونولوجات الانتقادية لكل ما هو سلبى فى المجتمع. ارتدى الجلباب البلدى والطربوش فى تقديم مونولوجاته وحفلاته الأخرى.. إنه الفنان محمود شكوكو ولد فى مثل هذا اليوم الأول من مايو 1912 ورحل 1985 ، كان أول مسحراتى يوقظ النائمين فى التليفزيون بعد افتتاحه عام 1961.
وكان المونولوجست محمود شكوكو قاسمًا مشتركا بفقرته الضاحكة فى حفلات أضواء المدينة وحفلات الأندية احتفالا بالانتصارات على الأندية الأخرى وفى المناسبات الوطنية .
كما نشرت مجلة الاثنين عام 1960 بالرغم من ان شكوكو يشجع النادى الاهلى وهو اهلاوى صميم الا انه حين فاز الزمالك على الأهلى وحقق بطولة الدورى 59/ 60 شارك فى حفل لنادى الزمالك وقدم أغنية قال فيها:
قطر المحبة وصل محطة العشاق ..مالقيتش فيه / من قلبى لك يازمالك تهنئة حارة ..باى باى باى ياعنية / مبروك عليك الدورى ..مبروك الدورى عليك الف وخمسمائة مرة / انا اجيت اهنى بالفرح ..ولو انى اهلاوى ..عقبال ما القى التهانى من زملكاوى ..ورد عليه فل عليه.
هاجمه جمهور الأهلاوية بسبب مشاركته حفلة نادى الزمالك هذه فكتب مقالا فى مجلة الكواكب بعنوان ( نادى الشعب) قال فيه:
أنا أهلاوى منذ عرفت أسير على قدمى وحدى، أحب اللعبة الحلوة وبحب أى فريق مكافح يعمل اللى عليه والباقى على ربنا، لكنى أهلاوى أهلاوى لكن غير متعصب.
أنا حبيت الكرة من يوم ما التليفزيون بدأ يذيع المباريات الكروية ، وكنت الاول باشوف المباريات فى التليفزيون ولما كبرت اصبحت حريص ان اذهب الى الملاعب اصل الفرجة فى الملعب حاجة تانية خالص وبدأت الفرجة على ماتشات دورى رمضان فى منطقتى .
الواحد بيقدر يشوف كل حاجة فى ارض الملعب لكن التليفزيون بيتابع الكورة بس والواحد كدة ميقدرش يشوف التمريرة الحلوة والحماس وحاجات غير كدة كتير لازم الواحد يتابعها من ارض الملعب .
والسبب انى حبيت الاهلى حاجة بسيطة قوى ، انا محمود شكوكو المونولوجست الشعبى خد بالك معايا من حكاية الشعبى دى ، وقبل ما اشوف الكورة واشجع نادى من الاندية كنت بلاقى الناس فى كل بلد اسافر اليها فى مصر طنطا ، دمنهور ،المنوفية ، المنصصورة والمحلة كان كل الناس فى كل بلد اتواجد فيها يطلبوا منى اغنى عن الاهلى .
شعرت ان النادى الاهلى ده هو نادى الشعب وله شعبية فى كل مكان وفى كل بلد ومن يومها وانا اهلاوى عشان الشعبية اللى انا حاسيتها للنادى الاهلى اصل انا مونولوجست شعبى ومع الشعب يفى كل حاجة بحبها عنى زمل انا والاهلى وقول يارب .