الزمالك يصد هجوم الإرهابيين!

خطف المجندين في سيناء أثار حفيظة شباب فيس بوك لما يمثله من مساس بهيبة الدولة، الشباب رشحوا الزمالك لصد هجمات الإرهابيين، وقالوا إن وزير الداخلية سيواجه تلك المشكلة بلعبة "ميدل أوف أونر" الإلكترونية، "فيتو كافيه" رصدت تعليقات الشباب.
كريم الشريف: ولما حد يقول لك تعالى أوديك لبابا، ولا يقول لك تعالى هجيبلك حاجة حلوة ما تسمعش الكلام.. ده تدريب الشرطة الجديد ضد الاختطاف..
الشنير: يا جدعان زمان كان السبعة بيتقتلوا دلوقتي بقوا يتخطفوا بس.. فيه تقدم ملحوظ يا إخوانا..
مخموخ: لما السلفية الجهادية تخطف جنودا في هجومين منفصلين... مين بقي اللي المفروض يصد هجوم الجماعات الإرهابية؟، نادي الزمالك؟..
محمد رياض: يا جماعة ال 7 اللى اتخطفوا بخير وهيطلعوا النهارده على نجوم إف إم فى أجمد 7 الساعة 7.
ياسر الشرباصي: سمعنا عن سرقة وتثبيت على الطريق وسرقة عربيات من تحت البيت، سطو مسلح على المحلات فى عز الظهر، خطف بنات، خطف شنط ستات، تثبيت وسرقة عربية مساعد وزير الداخلية.. لكن خطف جنود؟.. كده كتير!!!..
مخموخ: البرادعي المعارض معظم نشاطه على تويتر.. ورئيس وزراء بيلعب السنافر .. ومرسي بيبل صباعه وهو بيقلب الآيباد.. والشباب بيعمل مظاهرات إلكترونية على الفيس بوك.. أنا خايف وزير الداخلية يتقفش وهو بيلعب ميدل أوف هونر.