"#استقالة_الاتحاد_المصري_لكرة_القدم_مطلب_شعبي" يشعل تويتر.. أحمد: كفاية كده استقيلوا.. أيمن: اعملوا فترة معايشة في ليفربول ممكن تتعلموا حاجة.. محمود: شكرًا محمد صلاح.. محمد صبحي: محدش طايقهم

إحالة دعوى تطالب بحل اتحاد الكرة لهيئة مفوضي الدولة
تعالت أصوات النشطاء مطالبين باستقالة اتحاد الكرة المصري، بسبب النتائج السيئة التي حققها المنتخب في عهده وخروجه من كأس العالم في روسيا بشكل سيئ، ودشن النشطاء عددا من الهاشتاجات منها "#استقالة_الاتحاد_المصري_لكرة_القدم" و"#استقالة_الاتحاد_المصري_لكرة_القدم_مطلب_شعبي" و"#استقالة"، بالإضافة لهاشتاجات دعم اللاعب محمد صلاح Mohamed Salah نجم المنتخب الوطنى وفريق ليفربول الإنجليزي في أزمته، مطالبين اللاعبين المصريين المحترفين عالميًا بدعم صلاح في أزمته مع الاتحاد والمطالبة باستقالة اتحاد الكرة.
الحساب
قال محمود العسيلي "#استقالة_الاتحاد_المصري_لكرة_القدم #مطلب_شعبي استقالة الاتحاد المصري لكرة القدم مطلب شعبي.. #ادعم_صلاح #ادعم_محمد_صلاح #ادعم_صلاح_ضد_اتحاد_الكورة".
وأضافت أماني العقاد "مطلوب نعمل ثوره- ولو على تويتر- على اتحاد الكرة والهتاف يكون (شرف... إدارة... بطوله عالميه) و(الشعب يريد إسقاط الاتحاد) #استقالة_الاتحاد_المصري_لكرة_القدم.. اتحاد ال... عارف أن حسابه مش في الدنيا... بس يا ويلكم من حساب الآخرة هيبقي اصعب بكتير من حساب شعب مصر"
وعلق محمود آل الشيخ "علم مصر يترفع وسط ليفربول بالشكل دا وانت السبب في كدة؛ يبقي انت ليك كل الاحترام والتقدير شكرا محمد صلاح على ما فعلته ببلدك في الخارج #استقالة_الاتحاد_المصري_لكرة_القدم #محمد_صلاح_خط_احمر".
ورد أحمد أسامة "#كفاية_يابوريدة لما تخلي اتحاد وطني يكون بالمستوى المهين ده...لما ما تحترمش البلد اللى انت بتمثله يبقى كفاية... استقيلوا لو عندكم ذرة دم #استقالة_الاتحاد_المصري_لكرة_القدم".
اتحاد فاشل
وقال عمر خليفة "#استقالة_الاتحاد_المصري_لكرة_القدم كفاية فشل..."
وأضاف السيد حاتم "اتحاد فاشل لازم يتحقق معاهم لازم يستقيل #استقالة_الاتحاد_المصري_لكرة_القدم.. اتحاد فاشل مفيش تطوير في أي شيء لازم يستقيل ويتم محاسبتهم".
وعلق أشرف غنيم "القصه أن اتحادنا متعود على نظام تعالي اشرب شاي هنتصور ف الاعلام وهوب ينتهي على حكم تتسند له مباره على المزاج لكن نظام ولوايح مش بتاعتنا احنا هوبا تيتوا مامبوا #ادعم_صلاح #استقالة_الاتحاد_المصري_لكرة_القدم".
وردت سحر خالد "فين اللعيبه تتكلم وتساند صلاح انتوا ليه سايبينوا بيواجه اتحاد فاشل لوحده #استقالة_الاتحاد_المصري_لكرة_القدم".
ما حدش طايقهم
وقال محمد صبحي "#استقالة_الاتحاد_المصري_لكرة_القدم سبب تأخر الكرة المصرية... ماحدش طايقكم"
وأضاف عمرو دعبيس "الغريب أن مافيش ولا لاعب طلع دعم صلاح في اللي بيقوله مع انهم متضررين زيه بالظبط. لو اللعيبة إلى جوا مصر خايفين يتكلموا عشان الاتحاد، اللعيبة المحترفة زي النني وتريزيجيه وغيرهم مايتكلموش ليه؟؟؟ #استقالة_الاتحاد_المصري_لكرة_القدم #ادعم_محمد_صلاح"
وعلق إبراهيم الشتيوي "#محمد_صلاح يطلب أمورا عادية جدا معسكر مغلق سفر على طيارات درجة أولى ومنع أي أحد من دخول ازعاج المنتخب ايه ال صعب في كدا #استقالة_الاتحاد_المصري_لكرة_القدم احسن حل ونشتغل على نضيف".
وردت منيرة حسن "لابد من الاستقالة اتحاد المصري لكرة القدم أثبت فشله في كل إدارة الأمور الكروية وبيستأسد بفيفا #استقالة_الاتحاد_المصري_لكرة_القدم"
وتابع سليم الليثي "يجب محاكمة الفاسدين أيا كان موقعهم، فضلا عن الاستقالة. لأن الاستقالة بدون عقاب لن يكون عبرة لغيره، #استقالة_الاتحاد_المصري_لكرة_القدم"
وقال أيمن مادي "#استقالة_الاتحاد_المصري_لكرة_القدم استقيلوا وروحو اعملو فترة معايشة في ليفربول ممكن تتعلمو حاجة".