"تمرد" تشعل حماس نشطاء تويتر.. باسم يوسف: الإخوان مرعوبين.. عبد الرحمن: ملاحقة ناشطى الحملة تذكرنى بأمن دولة المخلوع.. علاء عبد الفتاح: نشر إحصائيات تفصيلية خير دفاع

تفاعل نشطاء تويتر مع "حملة تمرد"، وخاصة بعد أن أعلن أعضاء الحملة أن عدد الموقعين عليها بلغ أكثر من 2 مليون خلال 10 أيام فقط، وقيام عدد من الإعلاميين والنشطاء للتضامن مع هذه الحملة لسحب الثقة من الرئيس مرسى، لذا ظهرت مطالبات الإخوانى أحمد المغير بالمطالبة بإسقاط الجنسية عن أعضاء الحملة، وشهد تويتر حالة نشاط للجان الإلكترونية الإخوانية للتشكيك فى الحملة.
وائل ريان قال: "2مليون و29 ألف حصيلة حملة تمرد فى 10 أيام، دعوة لكل المصريين للاشتراك وسحب الثقة من مرسى.. تمرد".
الإعلامى الساخر باسم يوسف: "عاجل.. انضمام حركة 6 إبريل وحملة أبو الفتوح إلى حملة تمرد، ويصل العدد حتى الآن إلى 3 مليون توقيع على حملة تمرد الإخوان مرعوبيييييييييييييييييين مستمرييين يا خرفان لحد ما نرجع لينا مصر تانى".
عبد الرحمن يوسف: "ملاحقة ناشطى حملة تمرد يذكرنى بملاحقة أمن دولة المخلوع حين جمعنا توقيعات بيان التغيير.. خيب الله حاكمًا أتت به الصناديق فقمع معارضيه".
الناشط الحقوقى علاء عبد الفتاح: "ممكن شباب حملة تمرد ينشروا أرقام تفصيلية أكثر لو متاح؟ بالمدينة مش بالمحافظة، قد إيه اتجمع إلكترونى وقد إيه ورق، عدد المتطوعين... إلخ؟ أكثر هجوم هيحصل على الحملة هيبقى التشكيك فى الأعداد، نشر إحصائيات تفصيلية خير دفاع".
أمانى البحطيطى: "طب القضاة اللى عملو كاااام جمعية عمومية وقلبو الدنيا م ناويين يوقعو فى حملة تمرد لتشجيع الناس اللى رافضة استكمال مرسى لفترة حكمه ؟؟؟ مافيش؟".
نورا يونس: "مش شايفة غير دفاع عن حملة تمرد.. واضح إن الأصوات اللى بتتريق ضاعت فى الزحمة!".
الهوارى شيخ العرب: "اللى معترض على حملة تمرد أو أى طاقة أمل يقولنا نخلص ازاى من الإخوان، لو معندكش طريقة سيب غيرك يشتغل فالشارع بدل ما تنظّر علينا وانت قاعد".
جيكا العوضي: "حملة تمرد رعبت الإخوان، ناشط إخوانى يطالب بسحب الجنسية المصرية من أعضاء حملة تمرد".
وقال B e H a i R y Z : "حملة تمرد عاملة هسهس وحرقان غير عادى للإخوان".
أحمد ربيع: "الخوف الذى نراه الآن فى تصريحات قيادات الإخوان عن حملة تمرد، ومحاولتهم تشويه الشباب الثورى يؤكد أننا فى الطريق الصحيح، التمرد هو الحل!!!".
قال شباب 6 إبريل: "الإخوانى أحمد المغير يُطالب بسحب الجنسية المصرية من أعضاء حملة تمرد! وجّه كلمة لهذا الرجل".
وقال أمين: "حملة تمرد بعد جمع التوقيعات: وقد تفضل جلالته ووافق على المطلبين".
هانى صبحى: "فيه محاولات لتزييف روابط حملة تمرد".
فادى قلته: "كان نفسى حملة تمرد تفضل فى الدرة لغاية لما تخلص هدفها.. الانتشار الإعلامى اللى هيبدأ من النهاردة هيدمر الفكرة".
منار محمد قالت: "لو حملة تمرد غلط.. يبقى الحملة الوطنية للتغيير غلط .. يبقى الانقلاب على مبارك بردوا غلط .. ومتكلمنيش عن الشرعية !".
وردت مروة على طلب سحب الجنسية من حملة تمرد وقالت: "هى الجنسية المصرية بتاعة أبوهم.. كل شوية يطالبوا بسحبها، حملة تمرد مصرية أكتر من أى واحد حاطط ولاؤه لجماعة مبتدعة فوق ولاؤه لمصر".
وقالت منال: "وعلى العموم لو حملة تمرد هتبقى لقمة فى زورهم.. شغّال، حتى لو مش هتعمل حاجة بس أهو نقرفهم فى عيشتهم وخلاص.. خليكوا فريش إحنا فى ثورة".
فى حين خالف الآراء عدد من النشطاء التابعين للإخوان، قال مهند المصرى: "حملة تمرد مش مقتنعة إن مرسى شعبيته أكتر من معارضيه، أنا ضد حملة تمرد".
وقال أمير: "ردًّا على حملة تمرد عايز أعمل حملة "الزق يا مرسى 8 سنين"، عن نفسى أول واحد هيصور 150 ألف استمارة واكتبهم أنا بمعرفتى، يعنى هو فى حد هيعد ورايا!!".
سلمى الدالى: "حملة تمرد بتلم توقيعات، أول ما يوصلوا 11 مليون أد الى انتخبوا الريس، هنبلّها فى النيل ونشرب ميتها وإنشاء لله الانتخابات اللى بعدها يتفك العمل".
خالد يسرى: "حملة تمرد لا تختلف كثيرًا عن حملة "تحدانى صهيونى إنى أجمع مليون لايك".
قال محمد مراد: "من الآن.. أتعفف عن الكلام عن حملة تمرد هذه، هو هنعمل كمان للصرصار تاريخ... انتهينا".