«الجيش للبنات».. هاشتاج للسخرية من تجنيد المرأة.. ورواد «تويتر»: بعد الجيش يفكروا يكونوا نفسهم والرجالة تقعد بالبيت.. واللى ما يعرفش يقول عدس.. والولد يتخرج ويستنى البنت لما تاخد إعفاء

أثار تقرير نشرته "العربية نت" بعنوان "اتجاه فى مصر لتجنيد الجنس اللطيف إجباريًا بالجيش" ردود فعل ساخرة لدى النشطاء المصريين والعرب من خلال هاشتاج "الجيش للبنات"، حيث قالت إيمان أحمد، إحدى نشطاء "تويتر": "بنات2030 هيبقى عندهم الجيش للبنات"، وأضاف محميد: "الجيش للبنات حضرة العميد ركن جمانة ماش ما تنبلع الجيش للبنات"، وعلقت غادة سيد: "الجيش للبنات نفسى أروح الجيش".
بينما قالت جودى محمد: "الجيش للبنات متنسيش وأنت لبسه لبس الجيش تتصورى ببوز إياه"، وقال شادي خير الدين: "الجيش للبنات المهمات تصرف إيشاربين واحد زيتى والتانى مموه، وف الآخر العسكرى من دول تلبس الإثنين فوق بعض".
وأضاف عصام حامد: "الجيش للبنات وبعد ميخلصوا يفكرو يكونوا نفسهم عشان يتجوزوا والرجالة تقعد فى البيت وأهلهم يجهزوهم"، بينما قال عمرو محمد: "الجيش للبنات بالنسبة للبنات اللى بتقول عاوزه تدخل الجيش عاوز أقول حاجة (اللى مبيعرفش بيقول عدس)".
وتابعت هالة محمود: "الجيش للبنات فاااكس يا جماعة هيا قناة العربية دى حد يصدقها"، وقالت منة ياسر: "الجيش للبنات يعنى الولد يتخرج ويستنى البنت لما تاخد إعفاء"، وقالت رنا الحبوبة: "الجيش للبنات بكون أول المتتطوعات لتغيير الروتين. إحس حماس ووناسه وحركات ببدلة الجيش والمسدس، والتمارين، لكنه بشرط الإشراف للبنات"، وقالت دانا أسامة: "الجيش للبنات مش لازم تكون فى موضع دفاعى ممكن تشتغل مهنتها دكتورة أو مهندسة مثلًا فى الجيش بدون مقابل لمدة سنة مثلًا".
وقال أحمد منصور: "الجيش للبنات مش هما اللى بيطالبوا بالمساواة بين الرجل والمرأة"، أما محمود بدرة فقال: "الجيش للبنات واحدة هتقول للتانية صورينى جنب الدبابة، وأنا مش واخدة بالى!"، وقالت لام نور: "الجيش للبنات ولما يتاخدوا أسرى، هتعترفى ولا امسح لك المكيااااج؟ لا يا باشا هعترف بلاش المكياج وحياه أبوك"، وقال مؤمن راتب: "الجيش للبنات وتظل أكبر مشكلة أن كلهم حيلبسوا زى بعض"، وقالت سلمى مجاهد: "الجيش للبنات تقف فجأة في عز الحرب. يا ايمي خدي الايفون ارزعيلى صورة مع جثة الاينمى ياي هتعجبهم أوي هحطها ع الفيس بوك".