شباب «فيس بوك» يكشفون أسباب تخلى روسيا عن مرسى

«رايح ايد ورا وايد قدام ولا واخد معاك كيلو برتقال او موز» ، كان هذا تفسير نوسة أدمن صفحة «المجلس الاعلى للالش»، لعدم موافقة روسيا على منح مصر صوامع القمح الذى ذهب مرسى لاستيرادها ، المقارنة بين مرسى وعبد الناصر فى زيارتهما لروسيا لم تكن فى صالح مرسى، فلم يستقبل مرسى الا العمدة بينما عبد الناصر كان استقباله حافلًا ، «فيتو كافيه» رصدت تعليقات الشباب ..
الشنير: مرسى راح روسيا بعتوله عمدة مدينة يستقبله فى المطار .. ده انا بروح الغردقة روسيا كلها بتاخدنى بالأحضان..
نوسة : ماهو لازم العمدة يستقبلك.. رايح لهم ايد ورا وايد قدام ولا اخد معاك كيلو برتقان ولا موز..
المجلس الاعلى للالش : استقبال عبد الناصر فى موسكو .. كان صقر كبير .. كان بيمشى شارع بحاله قدامه .. كان فاضل له يومين وصورته تنزل علي الجنيه..
الشارة : بوتين: الحبتين بتوعك دول يا مرسى مايخيلوش عليا. . انت فاكرنى اجنبى ولا ايه؟ انا ابن بلد ومدقدق..
يعنى ملقتش غير روسيا تشحت منها؟ دول بيفاصلوا مع بياعين الخضار فى السوق . . .واسأل أى حد فى الغردقة..
خالد سلام : رويترز: مرسى يفشل فى الحصول على قرض أو إمدادات من القمح من روسيا .. مرسى مش رئيس جمهورية ..مرسى موتساساساساساسول..
ابو نسمة الأسطورة : طب هات اى حاجة يا جدع ماتبقاش كده..
الشارة : عدد الروس اللى قابلوا مرسى فى المطار اكبر من عدد سكان قطر..
المجلس الأعلى للألش : «لن أقابل أى رئيس يدعم نظام الأسد».. من قائل هذه العبارة ولمن قيلت؟
مى احمد : واحدة زميلتى بتقول لى هى روسيا دى بتدى فلوس ..ده تلاقيه رايح يجيب لنا سلاح يضربنا بيه..
داليا حامد : أنا باتعامل مع الروس ودول أبخل خلق الله.. الله يرحمك يا سادات..