نشطاء يدعون ليوم تدوين تنديدا بزوار الفجر

ينظم عدد من النشطاء دعوة للتدوين غدا الأربعاء على جميع مواقع التواصل الاجتماعى "فيس بوك - تويتر - بلوجر - والمدونات".
تحت شعار "زوار الفجر رجعوا تانى" للتنديد بعودة زوار الفجر الذين كان يستخدهم الرئيس المخلوع حسنى مبارك لاعتقال المعارضة ليلًا.
وقال سامح مشالى أحد النشطاء المنظمين للدعوة فى فجر يوم الجمعة اللى فات تم القبض على شباب ونشطاء من بيتهم من قبل "مباحث أمن الدولة" ومفيش حد اتكلم، وعلشان كده لازم الناس كلها تعرف أن فى مصر "أمن الدولة" رجع تانى وأسوأ من الأول وقام باقتحام البيوت فى انصاص الليالى وضرب وسحل الشباب والنشطاء أمام أهلهم وكسر لهم البيوت وعلشان كده لازم نفضحهم ونقول إن الرئيس محمد مرسى راجعهم تانى بعد ما قامت الثورة.
وأضاف "أحمد عبده" أحد المنظمين للدعوة أن التدوين نوع من أنواع الضغط المعنوى وليس معنى ذلك عدم نزولهم للشارع مؤكدًا على عدم سكوتهم وقال: "بس إحنا بنحربهم معنويًا وبنفكر الناس أن فى ناس ماتت من أمن الدولة وأن فى ناس بعد الثورة تم إلقاء القبض عليهم من قبل أمن الدولة يعنى كأننا معملنش ثورة ممكن كمان شوية يكون الدور عليك لو متضامنتش مع حد من المعتقلين مش هتلقى حد يتضامن معاك.