سما المصري عن مايوه نيللي كريم المثير: «هشتري زيه»

علقت الفنانة الاستعراضية سما المصري على"المايوه" المثير للجدل للنجمة نيللي كريم، ونشرت صورة "المايوه" عبر حسابها على "إنستجرام".
وكتبت سما: "بالنسبة لنيللي حرية شخصية بالنسبة لسما المصري قلة أدب طبعًا لو سما المصري هي اللي كانت لابسة المايوه ده ومنزله صورة زي دي كان زمان اتعمل عليا حفلة دلوقتي واتمسك لها طبلة ورق واشتغلت المواقع تقطيع من صحفيين ولاد حلال ومواقع ع النت وصفحات من إياها".
وتابعت: "طب ماهو الفنانات اللي بيسبقوني في السن وفي الفن بيلبسوا مايوهات عادي أهو إشمعنا لكن نيللي نجمة برضو أنا عارفة إني بنت البطة السودة آه لو لعبت يازهر.. بحبك يا نيللي على فكرة الصورة على صفحتها أنا مش سارقاها أنا مش حرامية أنا مغنية بس بصراحة قمر يا نيللي ولا يبان عليكي السن والمايوه يجنن عليكي ربنا يحميكي والله وتمتعينا بالمايوهات الحلوة دي هنزل اشتري مايوه زيه بالظبط ولا عزاء للمنفسنين".
وكانت نيللي كريم نشرت صورة لها بالمايوه أثارت جدلا بين متابعيها بين مؤيد ومعارض.
يذكر أن آخر مسلسلات نيللي كان "لأعلى سعر" وشاركها البطولة زينة، وبشرى، وأحمد فهمي، ورحمة حسن، وسارة سلامة، والمسلسل تأليف مدحت العدل، وإخراج محمد جمال العدل وعرض في رمضان الماضي.