أمينة تطلب من مي كساب «السماح» وتكشف سبب غضبها من سعد الصغير

طالبت المطربة أمينة، الفنانة مي كساب أن تسامحها، وكشفت عن أنها غاضبة من الفنان سعد الصغير، وذلك خلال حوارها مع برنامج "اللي مني مزعلني"، على "نجوم إف إم".
وقالت أمينة: "يمكن أكون مزعلة حد بأني منشغلة طول الوقت، وحتى الواتس آب لا برسل ولا برد على أي شيء، وهذا يدل على انشغالي ولكن حبي للناس وتسامحي موجود طول الوقت".
وأضافت: "ممكن أكون مقصرة مع أقربائي ولكن في العادي مش بعرف أزعل حد، وأي حد زعلان مني في ميعاد أو في فرح أو في أي حاجة ياريت ما يزعلش، وأحب أوجه رسالة للفنانة مي كساب وأقول لها متزعليش مني وكنت واثقة إن أوكا وأورتيجا هيطلعوا براءة ويمكن لم أسأل عليكي في محنتك، ولكن هذا ليس معناه إني لم أهتم، بالعكس أنا حلمت بهم".
وأضافت: "كان شحتة موجود ووقلت له أنا سايبة معاك أوكا وأورتيجا ورد قال لي سيتأخرون شوية، طول والوقت كنت على يقين إن هما راجعين، أنا بحبك وبحب أوكا جدًا ومبروك على البراءة".
وتابعت: "المفروض الناس تقولي زعلانين من إيه لأن أنا صريحة لأبعد الحدود، والعتاب بيمرر أي شيء، ولما بزعل من شخص ما بذهب لزوجي وهو لديه شفافية وينصحني بالصواب دائمًا والنتائج تكون مبهرة".
وعن سبب غضبها من الفنان سعد الصغير، كشفت: "أنا عصبية فوق العادة، وساعات أعمل رد فعل ثم أندم على ما فعلته، ولكن سعد الصغير في فترة من الفترات اعترف إنه كان بيمشيني من أفلام، وأنا مطربة ومش مطلوب مني أكون ممثلة أغني زي ما أغني، والفترة اللي طلعت فيها كان هو الضوء عليه أكثر وكان يقول لأي شخص إنه هو اللي مطلعني، وكان منتجون يحدثونني ويقولون لي سعد مش عايزك في الفيلم الفلاني، وكل حاجة واجهته بها وبالفعل اعترف لي، وهو نجم في مكانه وخفة دمه وبيعمل فرح وحفلة وأنا من غلاوته عندي أنا مش زعلانة منه والمسامح ربنا، ولا أقدر أحاسبه فهو حسابه عند اللي خلقه".