افرض جدلًا !!

انك ماشى على كوبرى 6 كتوبر وبصيت لاقيت اللهم ما صلى على النبى صورة كبيرة قول كده 44 فى 44 للسيد الرئيس المخلوع سابقا محمد حسنى مبارك بعد خروجه من السجن بالسلامة والجماعة بتوع آسفين يا ريس..
عاملين مهرجان خروجة من السجن والأحباب جايين يباركو والتهانى نازلة ترف على سيد المعلمين الباشا الكبير حبيب الملايين وفخامته قاعد يرد على الاتصالات الخارجية اللى يقوله مبروك.
واللى يعيط من الفرحة.
واللى يقوله إحنا عارفين إنك مظلوم.
واللى يقوله متفكرش فى اللى فات بص لمستقبلك.
اوعى تخلى الموضوع ده يأثر عليك واللى يبعت له مبلغ كده يمشى الحال
واللى يعرض عليه قضاء فترة نقاهة فى أى دولة هو عايزها
كل دة وسعادته مبسوط وقاعد وسط رجالته
وفجأة تبص تلاقى سيل من البشر جاى عليهم .
بتوع آسفين يمسكو الشوم والمولتوف ويقولوا اللى هيبوظ ليلتنا هنحرقة احنا مش شوية.
لكن المعلم الكبير والريس المخلوع يقولهم استنوا يا اولاد ماحدش يضرب ويصرخ محدش يضرب ويقترب السيل من المخلوع سابقا ويتكلم من ينوب عنهم ويمسك يد المخلوع سابقا ويبكى احنا آسفين ياريس والنبى تسامحنا انت قلبك كبير احنا انضحك علينا واحنا افتكرنا لما نخلعك قال إيه هنرتاح وانت قولتها ياكبير الفوضى الخلاقة.
الشعب كلة سمعها لكن مصدقش متزعلش والنبى ماتزعل ياغالى .
والمخلوع سابقا دى حاجة "فظيعة الوضع فظيع"
يطلع كده من شعبى الحلو المؤدب راح فين الشعب بتاعى اللى تعبت 30 سنة فى تربيته اشربوا بقى.
الموجودين اوعى تسيبنا ياابو قلب أرق من ورق الخص
ويهتفوا: المخلوع رجعناه وكل الشعب ايوه معاه.
لو انت مكانى تعمل إيه