محمد راضي يكتب: «وجعتك لما حبيتك»

بقالنا زمان
وليك وَحشة
وليه بتغيبي من حلمي
وليه بتكوني منعاني أشوفك
حلم ف النني
وكل ما نام بستنى
تيجي لي ملايكة تبنيلي
دموع م ليل بيعصيني ويعصاكي
كأن الصبح بيسرسب نجوم
من كون بينساكي
ولا أنسى
بإنك ضيف يزور القلب كام مرة
وكام مرة بتسقيني خمور من بحر
جناتك
وتجري أوام من قلبي وبتغادري
كأن القطر بيفوتك
ولا تفوتي غير الذكري
بتتمني تعيد اللحظة من تاني
ومين خلاني افتكرك
غير ذكرى بتتجسد
ف مشهد صعب يتكرر
ف أشوفك طيف يلبيني يطوف ريحه
ف كام وردة مسكنها بتفتح كدر
عل المشهد يكون الحب
متمسك ف أحضانا
وأشواقنا بتتغزل ف ضل
عيونا العازف على رمشك
بيرسلمي
نبي الله بيضف ف أرواحنا
فلا تنسي ولا أنساكي
وحشتيني
وأقول للصبح خد أيدي
ووديني لباب روحها وسيبني هناك
وسيب حضني ف أحضانها
يلم الحلم من عينها
ويبني الحب ف إيديها
وأضمُّه ف قلبي وأمسكها
فلا تنسي ولا أنساكي
وليه قلوبنا بتتشابه
وتتهالك وتكون ف ضياع
ونخلع كل توب روحنا
ونشرب مر أوجاعنا
ليوجعنا وجع كامل
عشان ننسي ونتاثر
ف بنصلي صلاة خامل
ونتخانق ف مين ينسى
ومين وجع ومن قصَّر
ومين طبطب على قلوبنا
وبيداوي جروح روحنا
على ليلنا اللي بات موجوع
ويا وجعي على وجعك
ويبنيلي ويبنيلك
بيوت من عشق راح ممنوع
فوجعتك بقُولة آه على حبي
للي خالاني أشوف قلبي بيعصاني
ف وسط الضلمه بيخوني
ويندهلك على بابك
أنا قلبك وحبيتك
وأنا عشقك وباب بيتك
وجعتيني فصليتك
ورتلتك ف كل صلاة
بسورة إنِّي ما نسيتك
ولا كرهتك
عشقتيني فأنا عشقتك
و سبتنيي فأنا مسكتك
فلا تنسي ولا أنساكي