مش قادره أصدّق اللى شُفتُه من عينيك بتتهمنى إزاى حبيبى فى حبى ليك !بتقَسّى قلبك بالعناد ، طب أهون عليك ؟ أستنى تيجى ، و ف كل لحظه روحى تناديك ده حياتى انت ، وأنا اتولدت بين إيديك ولا حد غيرك يوم فى قلبى يكون شريك ويبيع حياته عشانك انت ، ويشتريك ف ازاى يخون ، ولمين يكون لو مش لاقيك عارفه حبيبى إنك بتعشقنى بجنون والغيره حيره ، ونارها بتزيد الظنون لكن ده مين يساويك فى قلبى ، ومين يكون فاتوا يومين ، قلبى حزين مليان شجون والدنيا عندى لا ليها طعم ، ولا فيها لون وقبل تالت يوم تيجينى بابتسامه وتقول حبيبتى ده غيرتى على حبك علامه فما تزعليش لو كنت طولت الملامه إنتى اللى عارفه بَحِب قلبك قد إيه وخوفى عمره ما يبقى مِنُه ، ده كان عليه وبعِدت يمكن ، لكنى أبداً مش ناسيه سامحينى على لحظه جنون ، وكل دمعه سببتها وعشان بحبك جيت لقلبك قلتها آسف على كل الليالى اللى فى بُعدِك عشتها آسف على مَدِّت إيديكى لحضن إيدى ، وسيبتها ورجعتلك علشان اصلّح كل غلطه عملتها خلاص بقى ماتقولش تانى كتير كلام ده فى حضن قَلبَك تنتهى كل الآلام وأنا لما شُفت عينيك ، نسيت حتى الملام وكإننا لا بعِدنا ثانيه ، ولا كان ما بينّا فيه خصام ما انت حبيبى اللى بادوب فى غرام عينيك وأنا اللى ساكنه جوه قلبك عايشه فيك مهما هيحصل بينّا ، تانى هاقولها ليك لا أقدر أغيب عنك أنا ، ولا قلبى مَرّه يهون عليك