بالفيديو.. مفيدة شيحة بعد مفاجأة والدتها على الهواء: «فضحتني»

تحدثت الإعلامية مفيدة شيحة عن مواقف طريفة جمعتها مع ابنتها مريم، بمناسبة عيد الأم.
وقالت مفيدة شيحة، في برنامج «الستات ما يعرفوش يكدبوا»، المذاع على شاشة "سي بي سي": «بنتي قالتلي كل سنة وأنا طيبة أول مرة، اليوم، مشيرة إلى أن مريم عندها عادة سيئة، بتفضل تلف ورايا في الشقة أول ما بدخل، وبقولها: إنتي خيلاني. النهاردة قالتلي: أتمنى طول عمري أفضل ألف وراكي في الشقة؛ لأن هو ده مصدر سعادتي».
وعلى الجانب الآخر، فاجأت الإعلامية سهير جودة زميلتها الإعلامية مفيدة شيحة، باتصال هاتفي لوالدة الأخيرة على الهواء، بمناسبة عيد الأم، قائلة: «كلمت والدة مفيدة النهاردة، حسيت منها بكل الطيبة، كل سنة وهي طيبة، شخصية مختلفة خالص عن مفيدة، مفيدة طيبة لكن تبدو شرسة».
وفي مداخلة هاتفية، قالت والدة مفيدة شيحة: «كل سنة وأنتوا طيبين يا أعزائي وأحبائي، كل سنة وكل الأمهات بخير، وكل أمهات الشهداء طيبين، والأم مصر طيبة، وربنا يخليكوا لأولادكم».
ووجهت والدة مفيدة شيحة حديثها لابنتها، قائلة: «ربنا يخليكي يا مفيدة، ويسعدني بيكي ويسعدك ببنتك»، مطالبة إياها بألا تهاجم الرجال كثيرا في البرنامج، قائلة: «الرجالة على عينا وعلى راسنا، وضهر وسند.. وكل الرجالة حلوة، وكل سنة وهما طيبين.. خفي عليهم يا مفيدة، عشان محدش يزعل منك».. لترد مفيدة مازحة «ماما فضحتني.. بشكرك وبشكر سهير».