بالفيديو.. الإعلامي محمد علي: نظرتي للحياة تغيرت بعد المرض

كشف الإعلامي محمد علي خير، تفاصيل الوعكة الصحية التي تعرض لها وتأثيرها على نظرته للحياة خلال حواره مع الإعلامية منى الشاذلي ببرنامج "معكم" الذي يعرض على فضائية "سي بي سي".
وقال خير: «بعد تعرضي للمرض شعرت بأن الحياة سرقت مني بعد أن قضيتها كلها في تعب وكفاح ولم أستمتع بها، وحسيت إنى لو خرجت من الحياة دلوقتي هخرج خسران لأني مستمتعتش بيها ولا ببيتي ومراتي وولادي علشان طول الوقت كنت بره البيت وبتعب وده خلاني بعيد عن بيتي وولادي كبروا فجأة وعدا العمر فجأة».
وأضاف: «الوعكة دي لحظة جات لي ووقفت عندها واتغيرت وبقيت غير قبلها ومبقيتش باخد كل حاجة على قلبي وبطلت أقتنع بفكرة إني ممكن أغير الكون وبشوف ده فكرة عبثية وبقيت مقتنع إنى لازم أحاول أستمتع أكتر وأقعد مع مراتي وولادي وأصحابي والحياة كلها مش شرط تبقى شغل وجري فبدأت أعمل ده ونظرتي للحياة اتغيرت بحيث أن الشغل مش هيبقى كل حاجة فيها».