المصريون يهربون من الأزمات ب«نفسي أهاجر علشان».. أحمد: أتجوز أشتغل أعيش.. محمد: أشرب شاي مفيش سكر.. هدير: نفسي بلدنا تتحسن.. محمد: كيف أترك وطنا مذكورا في القرآن؟

دشن نشطاء مواقع التواصل الاجتماعي هاشتاج "نفسي أهاجر علشان"، واحتل مركزًا متقدمًا على تراند مصر بتويتر، حيث عبر المصريون عن رغبتهم للهجرة إلى خارج البلاد بسبب ما تعانيه مصر من أزمات، لكن بعض المصريين المهاجرين بالخارج أكدوا أن الهجرة ليست بالأمر الجيد، مشيرين إلى أن العيش في أزمة وسط الوطن أفضل من الوحدة بالخارج، مشيرين إلى أن مصر من البلاد التي يتمني البعض في الخارج للعيش بها.
أتجوز وأشتغل
قال محمود صبري "نفسي أهاجر علشان.. بصفتي مهاجرا من 5 سنين أحب أنقل لكم خبرتي.. قبل ما تسافر هما خيارين يا تعيش تعبان ماديا وسط حبايبك يا تعيش تعبان نفسيا لوحدك"، وأضاف أحمد أمين "نفسي أهاجر علشان أتجوز أشتغل أعيش"، وعلق محمد محمد عبد الحليم "علشان اشرب شاي مفيش سكر.. نفسي اهاجر علشان"، وتابعت سمر محمد "بلدنا مبقتش تطاق ولا ناسها كمان سلبين وأنا سلبيه برضو علشان بفكر اهرب منها بدل ما اعدلها.. نفسي اهاجر علشان".
حكومة بتكدب
قال أحمد السباعي "نفسي اهاجر علشان... كله طمعان في التاني عايز تكلم أي حد كلمه بمبدأ المصلحة"، وأضاف محمد والي "علشان اجيب فلوس واجى اتجوز.. نفسي اهاجر علشان"، وعلق أحمد رضوان "إخوان بيكدبو.. حكومة بتكدب وتقول إصلاح اقتصادي معادش حد صادق ومحافظ على مبدئه خالص عندنا.. نفسي اهاجر علشان".
ورد أحمد حبيب "طموحي عمري مشوفته في مصر اللهم هجره.. نفسي اهاجر علشان"، وتابع إسلام حمدي "نفسي اهاجر علشان.. نت سريع وأحمل براحتى".
الهجرة للمريخ
قالت مها نصر رشاد "نفسي اهاجر علشان كل الأسباب تؤدي إلى الهجرة"، وأضاف مهند الطوخي "نفسي اهاجر علشان هما قالو اللى مش عاجباه البلد يسيبها ويسافر، قشطه بقى أنا مش عاجبانى البلد.. سفرونى أبوس أيديكم"، وعلق أحمد خالد "نفسي اهاجر علشان.. نعيش حياة جميلة بقي".
وتابعت هدير دودي "منفسيش أهاجر أبدًا الهجرة مرارر.. نفسى بلدنا تتحسن وأسافر سياحة يعنى.. بس لو هتفضل على وضعها كدا يبقى الهجره للمريخ جميلة"، وتابع خالد إبراهيم "نفسي أهاجر علشان تعبت فيكى يا بلد ونفسى اشوفك بالألوان".
الهروب الكبير
قال محمد "نفسي اهاجر علشان اهرب من الميدترم"، وأضاف أمنية محمد "نفسي اهاجر علشان اكل لقمة حلوة واعيش عيشه حلوة"،
وعلق محمد بدر "نفسي اهاجر علشان.. أحسنلك تتبهدل وتلقى مين يطبطب.. أحسنلك من غربة وحنين لصور ودموع عالتليفونات"،
وتابع محمد صلاح "كيف اهاجر واترك وطن مذكور في القرأن الكريم.. كيف اهاجر من وطن الجميع يتمنى أن يأتى اليه نفسي أهاجر علشان".