بالفيديو.. حنان مطاوع تكشف سر دخولها كلية التجارة

كشفت الفنانة حنان مطاوع خلال لقائها في برنامج "معكم" مع الإعلامية منى الشاذلى، عن صفة من صفاتها الشخصية وهى العند، وأكدت أنها عنيدة جدًا وأنها دفعت ثمن تلك الصفة في حياتها.
وروت حنان موقف حدث لها مع والدها وخسرت فيه بسبب عندها، قائلةً: "والدى قال لى انتى مش هتنفعى غير ممثلة أو مخرجة فقلت له هدخل علمى وصممت على رأيى وتعبت في المذاكرة وكله جيه على دماغى وبرضه كان عايزنى أدخل كلية لها علاقة بالفن وأنا دخلت تجارة إنجليزي ".
وتابعت "يمكن سر العند ده مع والدى انى بحب أكون أنا وكان عندى أزمة طول الوقت بسبب الناس اللى تشوفك وتقول بنت فلان وأنا حد مستقل جدًا ومش بستغل الموضوع ده وكان صعبان عليه نفسى وقتها وده بيحصل مع ناس كتير يعنى حالة من التمرد نتيجة أن الناس بتشوف الشخص ابن مين مش بتشوفه هو كشخص".