بالفيديو.. بسنت فهمي: «الناس بتطفش من البلد عشان الحكومة»

استنكرت الدكتورة بسنت فهمي عضو مجلس النواب، تجاهل المسئولين لحادث مركب رشيد، وقالت: «أنا مستغربة إزاي الحكومة كلها ما راحتش هناك ووقفت لغاية ما آخر جثة طلعت من البحر مع أنهم مسئولين عن اللي بيحصل ده».
وأضافت خلال برنامج «أحداث النهار»، على قناة النهار اليوم: «ولا شفنا حد راح هناك برغم إنهم مسئولين عن اللي بيغرق واللي بيهرب وده جزء من إهمال التعامل مع الناس.. الناس دي بتطفش عشان الحكومة مش بتقوم بدورها مفيش تواصل حتى في الموت».
وتابعت: «مصر مليانة شغل بس مش لاقية اللي ينظم مفروض كل محافظ يتحاسب عن اللي عمله لأنه رئيس جمهورية في محافظته».