شلاليت

الزعماء الأكابر كل حبة في اجتماع
والقرار يطلع يقول لك لا انصياع
كل شيء بقرار من المسئول يطاع
والمخالف يسجنوه خلف القلاع
00000000
روسيا تطلب اجتماع بالأمريكان
والصهاينة يقولوا للناس كان زمان
والجميع واقف بيخطب في أمان
لا تراجع عن حروب وسط الميدان
000000000
كل واحد نفسه يبقى زعيم خطير
كان في آسيا أو أوروبا شيء عسير
أو في أفريقيا الزعامة هرم كبير
والشعوب وسط المعارك لا ضمير
0000000000
كلنا عايشين في قهر بدون هوية
والجميع غرقان باسم الإنسانية
والبريء يصبح في وسط الناس ضحية
وكل واحد في صراع لا مسئولية
00000000
فكروا في الحل وبدون ارتباك
الشعوب مش ناقصة سخرة واحتكاك
ليس في إسرافنا مغنم أو فكاك
يبقى لازم تدركوا معنى العراك
0000000
نفسى أسمع من زعيم غير البيان
نفسى أشوف الكل واقف كالميزان
نفسى أقول الحق في زمن الحيتان
نفسى أعيش إنسان مسالم في أمان