الطلاب يحتفون بانتهاء الامتحانات في هاشتاج «الثانوية».. سارة: احنا خلصنا فعلا ولا أنا نايمة وبحلم.. دنيا: كفارة يا جدعان.. محمود: طلبة ثانوى على الأسفلت.. نجلاء: ثانوية بالأسود

دشن نشطاء مواقع التواصل الاجتماعي "فيس بوك وتويتر" هاشتاج بعنوان "الثانوية" بمناسبة انتهاء امتحانات الثانوية العامة اليوم الإثنين، الهاشتاج تصدر تراند مصر على تويتر، حيث أكد طلاب الثانوية العامة بالهشتاج أنهم لا يصدقون أن امتحانات الثانوية العامة قد انتهت اليوم، بعد تأجيل عدد من الامتحانات التي كان مقررًا لها أن تنتهي منذ أسبوع مضى، معبرين أن الثانوية العامة كانت بالنسبة لهم السجن، الذي تحرروا منه بعد 11 شهرا من المذاكرة.
إفراج
قالت سارة "الثانوية.. الحمد لله حد يقولى احنا خلصنا فعلا ولا أنا نايمة وبحلم.. والله لايقة الثانوية خلتنى شاعرة ههههههه" .
وأضافت دنيا حسن "كفارة يا جدعان!.. الثانوية"
وعلق محمود رجب " كفارة يا طلبة ثانوى أكتر دفعة اتبهدلت ربنا يوفقكم في حياتكم اللى جاية.. طلبة ثانوى على الأسفلت.. الثانوية"
ورد سامي الجندي "تم الإفراج عن الطلاب من كابوس الثانوية العامة دفعة التسريبات 2016 في ألف مبروك وعقبال ما يجيلكوا ثمن تعبكم واجتهادكم بنتيجة تفرحكم وتفرحنا" .
وتابع جيكا ريمكس صبري "خلصنا امتحانات مش مصدق نفسي.. الثانوية" .
مبروك
وقال مؤمن ألمو2 "الثانوية.. مبروك عليكم ثانوية مرحب بكم في الكلية هتتنفخوا يا حبايب قلبي" .
وأضافت نجلاء محمد "الثانوية.. ثانوية بالأسود" .
وعلق حمدي سكاويسكي " الناس اللى بتنكد عالعيال اللى لسه مخلصة... خلي عندكوا دم وسيبوهم يفكو شوية.. الثانوية" .
ورد محمود "أوعى فرحتك بإنك خلصت امتحانات تنسيك أن في نتيجة بعد أسبوعين.. الثانوية" .
وسخرت آلاء غالي "مبرووووك الإفراج يا جماعة.. ادعوا لإخواتكم بقى«دفعة 2017».. الثانوية"
شكر لربنا
وقالت رنا مينا عطا "امتحان التاريخ في مستوى الطالب اللى بياخد درس عند محمد على.. الثانوية" .
وأضاف نادر البلكا "خلصت الحكاية وخلاص احنا في آخرها وصلنا للنهاية!!.. الثانوية" .
وعلقت نها سعد "إفراج من الثانوية.. تويتة شكر لربنا بقي.. Thanks god" .
ورد أحمد القاضي "الحمد لله شوفت النور بعد ظلمة 11شهرا الواحد خلاص فرهد.. الثانوية" .
وتابع مهند عبد المنصف "الإفراج.. مش متخيل يا جدعان.. الثانوية" .
دفعة نحس
وقال إبراهيم رضا "طب نقول مبروك ولا هيعيدوا الامتحانات تاني.. الثانوية" .
وأضافت فاطمة محرم "الثانوية كفارة يا دفعة نحس.. ثانوية عامة 2016" .
وعلقت ميرنا أشرف "وسيشهد التاريخ أن دفعة 2016 خلصت امتحانات الحمد لله والله مش مصدقة نفسي.. الكابوس اتزاح.. الثانوية" .
وردت مروة صلاح " لو كلمت حد ف ثانوى عام دلوقتى ممكن يقولك بحبك عادى.. كفارة ياجدعان وربنا يعوضكم عن الأيام دى بنتيجة تفرحكم وتسعد قلبكم.. الثانوية" .
وتابع إسلام النجبو "الثانوية.. الحمد لله طلعت منها قبل ما أموت" .
خلصنا
وقال محمود نبيه: "أنا حاسس إن في حاجة غلط معقول خلصنا.. الثانوية" .
وأضاف نور على "المدرسة النهاردة كلها كانت جاية بأسود زي كأني داخله ميتم.. الثانوية" .
وتابع محمد إبراهيم "هنا من أرض المعركة.. من قلب المحرقة واحد خلص ثانوية عامة يا جماعة الاسم عايش يا جماعة بس اتفش كتيرر وجتله الفرصة أنه ينحرف.. الثانوية" .