نشطاء التواصل الاجتماعي يسخطون من منظومة التعليم في هاشتاج «ثانوية».. «روفي»: «اوعوا تفتكروا أن اللي بيغش ده هيبقي حاجة».. «على»: منظومة فاشلة.. و«سعيد»: تسريب نموذج الإجابة من الإنجازات

دشن نشطاء مواقع التواصل الاجتماعي "فيس بوك وتويتر" هاشتاج "ثانوية"، في أول أيام امتحانات الثانوية العامة "للنظام الحديث".
وجذب الهاشتاج عددا كبيرا من النشطاء، ليتصدر تراند مصر على «تويتر»، وأكد عدد كبير من النشطاء أن تسريب الامتحانات بالإجابة النموذجية يعبر عن نظام تعليمي فاشل، وأنه لن يخلق إلا مجموعة فشلة في المستقبل، ليعبر النشطاء عن سخطهم على ما يحدث في المنظومة التعليمية.
مش بيتساوي
وقال روفي أحمد: "اوعوا تفتكروا أن اللي بيغش ده هيبقي حاجة ، وكل سنة بيغشوا بس ربنا مش بيساوي اللي تعب وذاكر بالفاشل اللي بيغش.. ربنا معاكم"، وأضاف على صبري: "كل سنة كان امتحان الثانوية بيتسرب وقت الامتحان دلوقتى من 7 الصبح وبالإجابات ووقت الامتحان إجابات بالختم.. زمان كان بيغشوا التسريب في اللجنة دلوقتى قبل اللجنة بساعتين بيقولوا.. منظومة فاشلة".
وعلق سعيد: "وده من الإنجازات... تطور الغش بدلا من تسريب ورقة الأسئلة يسرب نموذج الامتحان....المهم نبقي كده"، وردت سوما: "آخر دفعة ثانوية بجد دفعة 2013.. دفعة جمع وحى.. دفعة النحو المميز لأول مرة ييجى يقولك اقرا القطعة التالية وافهمها فهما جيدا ثم أجب".
وتابعت سحر الصفتي: "إيه... اللى بقينا فيه دا أنا مقهورهةعلى تعب الناس اللى ذاكرت، والله ربنا ينتقم منكم كلكم يابلد مهزأة عايشة في أعماق أعماق المجارى".
نموذج الإجابة
وقال رضوان بيه: "دلوقتي وتيسيرا على الطلاب نموذج الاجابة بتاع.. ثانوية عامة بينزل قبل الامتحان بنص ساعة انتو بتحكوا في ايه يااخونا"، وأضاف سليمو: "ثانوية المشكلة مش في إن امتحان العربي اتسرب ولا إن امتحان الدين اتسرب.. المشكلة إن نموذج الإجابة اتسرب".
وعلق مارو ممدوح: "حرام اللى بيحصل ده تسريب امتحانات والتنسيق هيزيد وناس كتير هيروح تعبها حرام لازم مواقع التسريب تتقفل بلاش نعيش في تخلف اكتر من كده"، وتابعت سمر حمدي: " منظومة تعليمية فاشلة ووزير فاشل ونظام فاشل.. شكرا".
نقلة نوعية
وقال أحمد تمام: "نقلة نوعية في مستوى امتحانات الثانوية الامتحان في مستوى الطالب اللي الشبكة عنده كويسة في اللجنة"، وأضاف محمد ماهر:
"دولة كاملة مش عارفة تأمن امتحان ولا عارفة تأمن ماتش".
وعلق أنفنتي: "مهزلة وهرجلة وقلة أدب اللي بيحصل ده.. مستقبل الناس بقي لعبة ف ايديكو حسبنا الله في شاومينج وفي مسئولين الوزارة.. يامنظومة... "، وردت يايا محمد: "لازم الوزارة تعيد امتحان العربي مرة تانية مع.. قطع الإنترنت يوم الامتحان بعد كده عيالكم هيتعالجوا عند دكاترة فشلة الكل ضحية".
وتابع وسام أحمد: "غش وهات مجموع كبير وادخل كلية حلوه بس صدقني هتفضل طول حياتك شايل الطين على دماغك أحسن ربنا مبيحبش الظلم".