بطل صورة الثانوية العامة: «إحنا حاليا في هدنة واستنونا بعد 5 يوليو»

أكد ناصر سيف، طالب الثانوية العامة صاحب الصورة، التي التقطها الزميل محمد متعب المصور الصحفي ببوابة "فيتو"، والتي يظهر فيها وأفراد قوات الأمن يطاردونه أثناء فض مسيرة الطلاب أمس، أنهم ينوون تجديد تظاهراتهم بعد ال5 من يوليو القادم، قائلًا: «إحنا حاليًا في هدنة عشان البلد».
وأوضح: «ما فيش أي مطالب لينا أتنفذت، وما فيش أي مسئول أتفاوض معانا، وعشان كده إحنا بنصر على نزولنا الشارع تاني.. بس إحنا حاليًا في هدنة عشان البلد والنهارده احتفالية ثورة 30 يونيو، وقبل يوم 5 هيتم تحديد يوم وهننزل فيه».
موجهًا رسالة للصحفيين طالبهم فيها أن يكونوا أكثر جرأة وأن يعملوا على توصيل صوت جميع المصريين، قائلًا: «عايز أقول للصحفيين خدوا محمد متعب قدوة ليكم».
يذكر أن سيف ناصر، هو صاحب الصورة التي التقطها الزميل محمد متعب بالأمس، والتي تظهر مطاردة قوات الشرطة له أمام وزارة التربية والتعليم لمنعه من الاعتراض على الفوضى التي تشهدها امتحانات الثانوية العامة التي فشلت الدولة في السيطرة عليها بسبب التسريبات وإلغاء الامتحانات وآخرها امتحان مادة "الديناميكا".
وكانت صفحة «الشرطة المصرية»، وهي صفحة غير رسمية تتحدث باسم وزارة الداخلية، ادعت أن الصورة التي التقطها الزميل محمد متعب، للطالب ناصر سيف «مفبركة»، وهو ما نفاه «ناصر» بقوله: «وزارة الداخلية زي ما نزلت على الصفحة الرسمية بتاعتها إن الصورة دي فوتو شوب ممكن ننشرلها صورة واتنين وتلاتة وعشرة، تأكد إن الصورة دي مش فوتو شوب.. هي الفكرة إن الصورة دي عبرت عن حالة الطالب وبينت هو بيعاني من إيه».