استضافت الإعلامية ريهام سعيد، الفتاة الشهيرة بفتاة المول وتدعى «سمية»، للمرة الثانية، خلال برنامج «صبايا الخير»، المذاع على قناة «النهار»، وأذاعت فقرة من اللقاء قبل تسجيل الحلقة دون علم الفتاة. وتحدثت الإعلامية إلى الفتاة قائلة: «أنا ماظلمتكيش، والبرنامج بتاعي مش محتاج شهرة عشان أعمل فيكي كده، وأنا اتضريت أكتر منك»، وردت الفتاة قائلة: «أنا اتضريت من اللي أنتي عملتيه، يعني أنتي ماشوفتيش الصور قبل ما تعرضيها؟ انتي طلعتي تاني يوم بتقولي معايا حاجات ومارضتش أطلعها». وعلقت «ريهام»: «أنتي طلعتي مع وائل الإبراشي بهدلتيني»، الأمر الذي جعل الفتاة ترد: «حط نفسك مكاني»، فقالت ريهام سعيد: «لا ماحطش نفسي مكانك، لأني ماينفعش تتصوري صور زي دي وأحط نفسي مكانك».