ناشط حقوقي يطالب المصريين في الخارج بخرائط «تيران وصنافير»

طالب الناشط الحقوقي، مالك عدلي، المصريين المقيمين بالخارج، بإرسال صور خرائط ووثائق، عن إحداثيات وتواريخ والأنشطة السكانية الخاصة بجزيرتي "تيران وصنافير" لإثبات ملكيتهما لمصر.
وكتب مالك عدلي تدوينة على "فيس بوك"، قال فيها: "لينا رجاء عند كل الزملاء المصريين المقيمين بالخارج خاصة في الولايات المتحدة وأوروبا والدول اللي ليها تاريخ في المنطقة.. هنحتاج منكم كل ما تصل إليه أيديكم بخصوص الحدود المصرية التي تشمل جزيرتي تيران وصنافير وإحداثياتها وصور الخرائط وتواريخها.. الحاجات دي هتبقى موجودة في مكتبات الوثائق العامة في إنجلترا، وفي مكتبة الكونجرس غالبا وكمان هتبقى موجودة في باريس وأعتقد هيبقيى فيه مستندات بالشكل ده في إسطنبول.. وأي دراسات أو أبحاث اتعملت عن الناس اللي سكنت الجزيرتين دول والأنشطة اللي كانت بتتعمل فيها والحاميات اللي تمركزت هناك.. ومعنديش تصور ممكن تبقى فين تاني.. ينفع نحصل على صور من المستندات دي بختم المكتبة اللي بنجيبها منها ونصدق عليها من خارجية البلد اللي انت فيه وتبعتهالنا وبعدين إحنا نكمل.. يا ريت اللي يقدر مايكسلش"
يذكر أن المحاميين مالك عدلي وخالد علي، وغيرهما، أقاموا دعوى قضائية لإثبات أن "تيران وصنافير" مصريتان بعد ضمهما للجانب السعودي نتيجة توقيع اتفاق تعيين الحدود بين مصر والمملكة.