المصريين للكويتيين على "تويتر".. عشان ثورتكم تنجح.. اقتلوا المشير والمرشد.. انتخبوا عمر سليمان لأنه هيموت رباني

دشن نشطاء موقع التواصل الاجتماعي "تويتر" من المصريين "هاشتاج" خاص بعنوان "نصيحة مصرية للكوايتة"، وذلك بعد المظاهرة الكبري التي قام بها الكويتيون، أمس الأحد، والتي عرفت ب"مسيرة كرامة وطن".
وقد تفاعل مع هذا ال"هاشتاج" الذي غلب عليه الطابع الساخر آلاف النشطاء من المصريين والعرب في تبادل للنصائح الساخرة التي تتناول الثورة المصرية والانتفاضة الكويتية.
أيمن عطية - أحد مستخدمي "تويتر"- كتب ناصحًا الأخوة في الكويت: "لو حد عندكم كان رئيس مخابرات، واسمه عمر سليمان، وحب يرشح نفسه انتخبوه ما تخافوش كلها كام شهر وهيموت رباني بعد ما ينفخ الإخوان. خلوا بالكم من الإخوان المسلمين اللي عندكم أكيد هيركبوا الثورة".
أما فاطمة حسين- مستخدمة "تويتر"- فكتبت ساخرة: "تاني يوم التنحي ما تمسكوش مقشات وتنضفوا الميدان وتروحوا بيوتكم... اقتلوا المشير والمرشد".
وكتب كرم فريد- مستخدم- "الثورة مفيش قانون بيحكمها.. انسى القوانين والعقل واتبع عاطفتك ودع غضبك يحركك".
وسخرت بسمة خطاب- كاتبة-: "لو الإخوان ركبوا الثورة يا عيني وراهم شغل كتير قوي صفقات بقى وتحالفات وشغل تحت الترابيزة, الله يعينهم".
ودوّن الشاذلي: "ركزوا في كل كلمة مكتوبة في (الهاشتاج) دا واعملوا عكسها هتلاقوا ثورتكم نجحت".
أما سلمى سليمان فكتبت: "ولعوا في أي حد فيه اسمه توفيق أو عكاشة أو شوبير أو بكري أو أبو حامد أو الزند أو تهاني الجبالي".
إسلام جندي كتب: "متسمعوش كلام أي حد مصري عشان ده شعب ابن فتاية, كانوا نفعوا نفسهم أصلًا!".
وعبر محمد العجاتي كاتبًا: "لو نجحتم حاجات كثير حتتغير في العالم شدوا الحيل وكونوا ثوريين لا إصلاحيين".
وقالت شاهيناز عتلم: "لو عندكم إخوان مسلمين يا ريت تحطوهم في الصفوف الأمامية ويتضربوا هما لأنهم كدة كدة هيقولوا إن هما اللي عملوا الثورة".
وقالت هبة ناجي: "بعد الثورة هتلاقو واحد لابس أبيض في أبيض ودقنو طويلة هيلم منكو تبرعات وحش متدلوش".
نور العقاد قال: "أنا شايف الناس لابسة جلاليب والكلام ده مش هينفع في الكر و الفر يا اخواننا".
أما رحاب فسخرت قائلة: "لو عايزين مليونية ممكن نجيلكوا يوم الجمعة نملى الميدان ونرجع تاني دا انتوا يا عيني عددكوا مش هيكمل".
كريم المصري كتب: "لو حصل حظر تجول انزل متخافش هتلاقي ناس كتير نزلت تتفرج على الحظر".
كريم الهويي قال: "الباعة الجائلين المصريين بيجهزوا شنط السفر للاحتراف في الثورة الكويتية أكيد انتوا ماعندكوش باعة جائلين".
في حين تفاعل النشطاء العرب مع الهاشتاج، فكتب راكان الكويتي: "يا جماعة شوفوا هذا الهاشتاق والله ضحك مو طبيعي فديتكم يا أهل مصر وفديت خفة دمكم".
فيما كتب السعودي سعد القرني: "هاشتاق مجنون. باموت ضحك. أعزائي المصريين العرب بدونكم لا يعرفون الضحك وعايشين بنكد الحمد لله إن في بالحياة مصر".
سعدية مفرح الكويتية كتبت: "المصريون يخففون عن أشقائهم الكويتيين قتامة هذا اليوم برسم (هاشتاج) ظريف وضاحك. ولكنه ضحكٌ كالبكا".
وعبر السعودي ياسر بكر قائلاً: "أفضل هاشتاج على الإطلاق".